१ शमूएल 3:9 - नेवाः बाइबल

⁹ वं शमूएलयात धाल, “वनाः सुम्‍क ग्‍वार्तुला च्‍वँ, छुं जुयाः वय्‌कलं हानं सःतादिल धाःसा थथे धा, ‘परमप्रभु, धयादिसँ, छिकपिनि दासं न्‍यनाच्‍वंगु दु।’” अले शमूएल वनाः थःगु थासय् ग्‍वार्तूवन।

१ शमूएल 3:9 ပူးပေါင်းရင်းမြစ်များ

भजनसंग्रहया सफू 85:8

परमप्रभु परमेश्‍वरं छु धयादी व जिं न्‍यने। छाय्‌धाःसा वय्‌कलं थः विश्‍वास यायेबहःपिंलिसे शान्‍तिया खँ ल्‍हाइ। तर इपिं हाकनं मूर्ख लँय् मवनेमा।

भजनसंग्रहया सफू 85:9

धात्‍थें हे वय्‌कःया उद्धार वय्‌कःयात मानय् याइपिनिगु न्‍ह्यःने हे दु, अथे जुयाः वय्‌कःया महिमा झीगु देशय् च्‍वनाच्‍वनेमा।

प्रस्‍थान 20:19

मोशायात धाल, “छिं हे जिमित धयादिसँ, अले जिमिसं न्‍यने। परमेश्‍वर थः हे जिपिंलिसें खँ ल्‍हानादीसा जिपिं सी।”

यशैया 6:8

अनंलि परमप्रभुं थथे धाःगु जिं ताल, “जिं सुयात छ्वयेगु? अले जिमिगु निंतिं सु वनेगु?” जिं लिसः बिया, “जि वने प्रभु, जितः छ्वयादिसँ!”

दानिएल 10:19

वं धाल, “हे दानिएल, छ परमेश्‍वरया लागिं तसकं तःजिम्‍ह खः, छ ग्‍याये मते, छन्‍त शान्‍ति दयेमा, बल्‍ला व साहसी जु।” वं उलि धायेवं हे जिके बल वल अले जिं धया, “हे जिमि प्रभु, छिं जितः बल बियादीगुलिं आः धयादिसँ।”

प्रेरित 9:6

आः दनाः शहरय् हुँ, अन हे छन्‍त यायेमाःगु ज्‍या कनी।”

यहोशू 5:14

व मनुखं धाल, “मखु, जि ला आः परमप्रभुया सेनाया कप्‍तान जुयाः वयागु दु।” अनंलि यहोशूं बँय् भ्‍वसुलाः भागि यात अले वयात न्‍यन, “जिमि प्रभुं, थः दासयात छु धयादी?”

१ शमूएल 3:10

अनंलि परमप्रभु वया न्‍ह्यःने दंझाल अले न्‍हापा थें तुं सःतल, “शमूएल, अय् शमूएल।” शमूएलं लिसः बिल, “धयादिसँ, छिकपिनि दासं न्‍यनाच्‍वनागु दु।”

१ शमूएल 3:8

परमप्रभुं स्‍वकः खुसि वयात सःतादिल, अले वं हाकनं एलीयाथाय् वना न्‍यं वन, “छिं जितः सःतादियागु खः। जि थन हे दु।” अनंलि परमप्रभुं हे थ्‍वयात सःतादीगु खः धकाः एलीं थुइकल।