१ शमूएल 3:18 - नेवाः बाइबल

¹⁸ अथे जुयाः शमूएलं वयात छुं नं खँ सुमचुकूसे फुक्‍क खँ धयाबिल, अले एलीं धाल, “वय्‌कः परमप्रभु खः। वय्‌कःयात छु भिं ताल व हे यानादीमा।”

१ शमूएल 3:18 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

२ शमूएल 10:12

बल्‍ला व साहसी जु! अले थःगु जाति व झी परमेश्‍वरया शहरतय्‌गु निंतिं मग्‍यासें लडाइँ यायेनु। अले परमप्रभुयात छु याये यः वय्‌कलं व हे यानादी।”

२ शमूएल 15:26

वय्‌कः जि खनाः लय्‌मताः धइगु खःसा, स्‍वयादिसँ, जि थन हे दु। अले वय्‌कलं थःत छु भिं ताय्‌कादी व हे जितः यानादीमा।”

२ राजा 20:19

हिजकियां यशैयायात लिसः बिल, “छिं धयादीगु परमप्रभुया वचन बांलाः।” छाय्‌धाःसा वं बिचाः यात, “जि म्‍वानाच्‍वंतले शान्‍ति व सुरक्षा दइगु जूसा थ्‍व बां हे लाः।”

१ इतिहास 19:13

बल्‍ला व साहसी जु! अले थःगु जाति व झी परमेश्‍वरया शहरतय्‌गु निंतिं मग्‍यासें लडाइँ यायेनु। अले परमप्रभुयात छु याये यः वय्‌कलं व हे यानादी।”

अय्‍यूब 1:21

थथे धाल, “जि जिमि मांया प्‍वाथं हे नांगां वया, अले जि नांगां हे वने। परमप्रभुं बियादिल अले परमप्रभुं हे यंकादिल। परमप्रभुयागु नां तःधनेमा।”

अय्‍यूब 2:10

अय्‍यूबं लिसः बिल, “छं मूर्खम्‍ह मिसां थें खँ ल्‍हाइगु। परमेश्‍वरपाखें झीसं सुख कायेगु अले दुःख धाःसा मकायेगु ला?” थ्‍व फुक्‍क जूसां अय्‍यूबं छुं पाप मयाः। अय्‍यूबं परमेश्‍वरयागु विरोधय् छसः नं नमवाः।

भजनसंग्रहया सफू 39:9

जि सुम्‍क हे च्‍वने, जिं छसः नं नवाये मखु। छाय्‌धाःसा जितः छिं हे थथे यानादीगु खः।

प्रस्‍थान 34:5

अले परमप्रभु सुपाँचय् क्‍वहां झायाः व नापं अन दनाः थःगु पवित्र नां, “परमप्रभु” धकाः न्‍ववानादिल।

यशैया 39:8

हिजकियां यशैयायात लिसः बिल, “छिं धयादीगु परमप्रभुया वचन बांलाः।” छाय्‌धाःसा वं बिचाः यात, “जि म्‍वानाच्‍वंतले शान्‍ति व सुरक्षा दइगु जूसा थ्‍व बां हे लाः?”

यर्मिया 34:6

अले यर्मिया अगमवक्तां यरूशलेमय् यहूदायाम्‍ह जुजु सिदकियाहयात थ्‍व फुक्‍क धयाबिल।

यर्मिया 38:14

सिदकियाह जुजुं यर्मिया अगमवक्तायात सःतके छ्वत। अले परमप्रभुया देगःयागु स्‍वंगूगु लुखाय् वयात हल। जुजुं यर्मियायात धाल, “जिं छन्‍त छुं खँ न्‍यने। जितः छुं खँ सुचुके मते।”

यर्मिया 42:4

यर्मिया अगमवक्तां इमित धाल, “जिं छिमिगु खँ न्‍यनागु दु। छिमिसं बिन्‍ति याःथें जिं परमप्रभु छिकपिनि परमेश्‍वरयात प्रार्थना यानाबी, अले परमप्रभुं छु धयादिल व फुक्‍क जिं छिमित कनाबी। जिं छुं नं खँ छिमिगुपाखें सुचुके मखु।”

विलाप 3:39

थःगु पापया सजाँयया निंतिं सीमानिपिं मनूतय्‌सं छाय् कचकच यायेगु?

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

१ पत्रुस 5:6

उकिं छिपिं दकलय् तःधंम्‍ह परमेश्‍वरयागु न्‍ह्यःने चिधंपिं जुयाः च्‍वँ। अले वय्‌कलं छन्‍हु छिमित तःधंकादी।

न्‍यायकर्ता 10:15

तर इस्राएलीतय्‌सं परमप्रभुयात धाल, “जिमिसं पाप यानागु दु। जिमित छिं छु यानादी मास्‍ति वः व हे यानादिसँ। तर जिमिसं छितः बिन्‍ति याये दया यानाः थौं जिमित बचय् यानादिसँ।”