१ शमूएल 3:17 - नेवाः बाइबल

¹⁷ एलीं धाल, “परमप्रभुं छन्‍त छु धयादिल? जितः फुक्‍कं खँ मसुचुकुसे धा। छुं जुयाः छं वय्‌कलं धयादीगु खँ सुचुकल धाःसा परमेश्‍वरं हे छन्‍त कडा न्‍याय यानादीमा।”

१ शमूएल 3:17 ပူးပေါင်းရင်းမြစ်များ

२ शमूएल 14:18

अनंलि जुजुं व मिसायात धाल, “जितः छुं नं खँ सुमचुकूसे धा, जिं छन्‍त छगू न्‍ह्यसः न्‍यने।” व मिसां धाल, “ज्‍यू, धयादिसँ।”

२ शमूएल 19:13

अले अमासायात थथे धा, छु छ जिगु ला व हि मखु ला? छ योआबया पलेसा छंगु जिवंकाःछि हे जिम्‍ह सेनापति मजुल धाःसा परमेश्‍वरं जिनापं बांमलाःगु व्‍यवहार यानादीमा।’”

२ शमूएल 3:35

दाऊदं न्‍हिच्‍छि हे छुं मन। अले मनूतय्‌सं दाऊदयात छुं भपियादिसँ धकाः धायेत वल, तर दाऊदं पाफयाः थथे धाल, “सूर्य बिनावने न्‍ह्यः छुं नयेगु नसा थिल धाःसा परमेश्‍वरं जितः कडा सजाँय बियादीमा।”

२ शमूएल 3:9

जिं दाऊदयात परमप्रभुं वयात जिं याये धकाः बियादीगु बचंया लागिं ग्‍वाहालि मयात धाःसा परमेश्‍वरं हे जितः कडा सजाँय बियादीमा।

१ राजा 22:16

आहाबं वयात धाल, “परमप्रभुया नामय् छु सत्‍य खः जितः व जक धा धकाः जिं छन्‍त ग्‍वकः पाफय्‌केगु?”

२ राजा 6:31

जुजुं धाल, “शाफातया काय् एलीशाया छ्यं वयागु ब्‍वहलय् थौंया दिं क्‍वचाइबलय् तक दयाच्‍वन धाःसा जितः परमेश्‍वरं थथे हे वा थ्‍व स्‍वयाः अप्‍वः यानादीमा।”

भजनसंग्रहया सफू 141:5

धर्मीतय्‌सं जितः दायेमा, व जिगु निंतिं दया जुइ। इमिसं जितः ब्‍वः बीमा, व जिगु छ्यंया निंतिं चिकं जुइ। जिगु छेनं मयय्‌की मखु। अय्‌नं मभिंपिं मनूतय्‌सं याःगु ज्‍याखँया विरोधय् जिं प्रार्थना याना हे च्‍वने।

यर्मिया 38:14

सिदकियाह जुजुं यर्मिया अगमवक्तायात सःतके छ्वत। अले परमप्रभुया देगःयागु स्‍वंगूगु लुखाय् वयात हल। जुजुं यर्मियायात धाल, “जिं छन्‍त छुं खँ न्‍यने। जितः छुं खँ सुचुके मते।”

यर्मिया 42:4

यर्मिया अगमवक्तां इमित धाल, “जिं छिमिगु खँ न्‍यनागु दु। छिमिसं बिन्‍ति याःथें जिं परमप्रभु छिकपिनि परमेश्‍वरयात प्रार्थना यानाबी, अले परमप्रभुं छु धयादिल व फुक्‍क जिं छिमित कनाबी। जिं छुं नं खँ छिमिगुपाखें सुचुके मखु।”

दानिएल 4:19

थ्‍व खँ न्‍यनाः दानिएल (गुम्‍हय्‌सित बेलतसजर नं धाः) पलख थुरथुर खात, म्‍हगसया अर्थं वयात ख्‍यात। जुजुं वयात धाल, “हे बेलतसजर, म्‍हगस व उकिया अर्थ कनेत छ ग्‍याये मते।” बेलतसजरं धाल, “हे जिमि प्रभु, थ्‍व म्‍हगस व उकिया अर्थ छःपिनि शत्रुतय्‌त जूगु जूसा ला ज्‍यूगु नि।

मीका 2:7

हे याकूबया घराना, थथे धायेमाःगु खः ला? “परमप्रभुया आत्‍मा तंचायादीगु दु ला? वय्‌कलं थज्‍याःगु ज्‍या यानादी ला?” “तप्‍यंगु लँपुइ जुइपिन्‍त छु जिगु वचनं भिं मयाइ ला?

गन्‍ती 23:17

अले व बालाकयाथाय् लिहां वन। बालाक व मोआबया नायःत थःगु होमबलिया न्‍ह्यःने दनाच्‍वन। बालाकं आय्‌बुयाः न्‍यन, “परमप्रभुं छु धयादीगु दु?”

मत्ती 26:63

वय्‌कलं छुं हे धयामदी। अले दकलय् तःधंम्‍ह पुजाहारीं हानं धाल – “म्‍वाःम्‍ह परमेश्‍वरयागु नामं जिं छन्‍त धयाच्‍वना – छ परमेश्‍वरया काय्, मुक्ति बीम्‍ह ख्रीष्‍ट खः ला?”

रुथया सफू 1:17

छि गन सी, जि नं अन हे सी, अले जितः अन हे थुनिगु जुइ। कालं बाहेक मेगु छुंकिं नं जितः छिपाखें फाःसा, परमप्रभुं जितः थथे हे, अज्‍ज थ्‍व स्‍वयाः बांमलाःगु व्‍यवहार यानादीमा।”

१ शमूएल 14:44

शाऊलं धाल, “जोनाथन, छ मसित धाःसा परमेश्‍वरं जितः पक्‍का कडा सजाँय बियादीमा।”

१ शमूएल 20:13

तर जिमि बौनं छिगु बारे मभिं बिचाः याःगु दुसा, जिं छितः खबर बियाः याउँक बिसिके मछ्वल धाःसा परमप्रभुं जितः स्‍यानादीमा। परमप्रभु जिमि बाःलिसें दीगु थें छिनापं नं दीमा।

१ शमूएल 25:22

कन्‍हय् सुथय् तक व नापं दुपिं छम्‍ह जक मिजंत म्‍वानाच्‍वन धाःसा परमेश्‍वरं जितः कडा सजाँय बियादीमा।”

१ शमूएल 3:16

तर एलीं शमूएलयात सःताः धाल, “शमूएल जिमि काय्!” वं लिसः बिल, “जि थन हे दु।”