१ शमूएल 3:14 - नेवाः बाइबल

¹⁴ अथे जुयाः जिं पाफयाः एलीया परिवारया बारे धयाच्‍वनागु दु, ‘एलीया परिवारं याःगु पापया प्रायश्‍चित न बलिं न अन्‍नबलिं छुकिं गुबलें नं जुइ मखु।’”

१ शमूएल 3:14 ပူးပေါင်းရင်းမြစ်များ

भजनसंग्रहया सफू 51:16

बलि छाःगुलिइ छि लय्‌तायादी मखु, होमबलिइ नं छि लय्‌तायादी मखु।

यशैया 22:14

दक्‍व शक्ति दुम्‍ह परमप्रभुं जिगु न्‍हाय्‌पं लिक्‍क थथे धयादिल, “छिपिं सीगु दिं तक नं थ्‍व पापया प्रायश्‍चित जुइ मखु,” प्रभु, दक्‍व शक्ति दुम्‍ह परमप्रभुं धयादी।

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

यर्मिया 7:16

“उकिं, यर्मिया, छं थ्‍व प्रजाया निंतिं प्रार्थना याये मते। थुमिगु निंतिं इनाप नं याये मते। छाय्‌धाःसा जिं छंगु प्रार्थना न्‍यने मखु।

इजकिएल 24:13

“‘हे यरूशलेम, छं याःगु याये मत्‍यःगु ज्‍याखं छन्‍त अशुद्ध याःगु दु। जितः ला छन्‍त शुद्ध याये मास्‍ति वःगु खः, तर छ शुद्ध मजू। अथे जुयाः छंगु विरोधय् जिगु तं क्‍वमलाःतले छ हाकनं शुद्ध जुइ मखु।

लेवी 15:31

“‘थुकथं छिमिसं इस्राएलीतय्‌त अशुद्ध याइगु खँपाखें अलग तयेमाः। मखुसा इमिसं थःपिन्‍थाय् च्‍वंगु जिगु पवित्र पालयात अशुद्ध याइ। अले इपिं थःपिनिगु अशुद्ध खँया हुनिं सी माली।’”

१ शमूएल 2:25

छुं जुयाः छम्‍ह मनुखं मेम्‍ह मनूया विरोधय् पापयात धाःसा परमप्रभुं मिलय् यानादी, तर परमप्रभुया विरोधय् हे पापयात धाःसा सुनां मिलय् याइ?” तर एलीया काय्‌पिन्‍सं थः बौयागु खँय् ध्‍यान मब्‍यू, छाय्‌धाःसा परमप्रभुं इमित स्‍यायेगु क्‍वःछिनादी धुंकूगु खः।