१ शमूएल 3:1 - नेवाः बाइबल

¹ थुबलय् मचाम्‍ह शमूएल एलीं धाःकथं परमप्रभुया सेवा याना तुं च्‍वन। उबलय् परमप्रभुया वचन कम जक न्‍यने दइगु अले दर्शन नं उलि बियादी मखु।

१ शमूएल 3:1 ပူးပေါင်းရင်းမြစ်များ

भजनसंग्रहया सफू 74:9

आः अजू चायापुगु चिं नं खने मन्‍त अगमवक्तात नं छम्‍ह हे मन्‍त। थथे गुबलय् तक जुयाच्‍वनी जिपिं सुनानं मस्‍यू।

हितोपदेश 29:18

परमेश्‍वरं क्‍यंगु लँय् मजूपिं मनूत यःयःथें जुइ। परमेश्‍वरया व्‍यवस्‍था मानय् याइपिं मनूत धन्‍य जुइ।

यशैया 13:12

जिं मनूतय्‌त तच्‍वकं भिंगु लुँ स्‍वयाः लुइके थाकुकाबी। अले ओपीरया लुँ स्‍वयाः नं यक्‍व थिकेगु यानाबी।

इजकिएल 7:26

छगू विपत्तिया ल्‍यू मेगु विपत्ति वइ अले छगू बांमलाःगु खबरया ल्‍यू मेगु बांमलाःगु खबर वइ। इमिसं अगमवक्तातपाखें दर्शन कायेत स्‍वइ। पुजाहारीतपाखें व्‍यवस्‍थाया शिक्षा व धर्म गुरुतपाखें सल्‍लाह तनावनी।

१ शमूएल 2:11

अले एल्‍काना थःगु छेँ रामाय् लिहां वन। मचाम्‍ह शमूएल धाःसा पुजाहारी एलीं धाःकथं परमप्रभुया सेवा यायेत अन हे च्‍वन।

१ शमूएल 2:18

उबलय् शमूएल भिंगु सूती कापःया एपोद फिनाः परमप्रभुया न्‍ह्यःने सेवा याना हे च्‍वन।

१ शमूएल 2:35

जिं जिगु निंतिं छम्‍ह विश्‍वास याये बहःम्‍ह पुजाहारी ल्‍यये। वं हे जिगु मनय् व नुगलय् च्‍वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्‍ह मनूया न्‍ह्यःने सदां सेवा याइ।

१ शमूएल 2:36

छंगु परिवारय् म्‍वानाच्‍वंपिं सकलें वयाः चकूगु छकू वहः व छपा मरिया निंतिं वय्‌कःया न्‍ह्यःने क्‍वछुनाः थथे बिन्‍ति याये मालि, “जितः पुजाहारीतय्‌त ग्‍वाहालि यायेत तयादिसँ अले जिके छपा मरि दयेमा।”’”

१ शमूएल 3:15

शमूएल सुथय् तक हे द्यनाच्‍वन। अले वं परमप्रभुया पवित्र पालया लुखा चाय्‌कल। शमूएलं एलीया बारे खंगु दर्शन कनेत ग्‍यात।

१ शमूएल 3:21

परमप्रभुं हानं शीलोय् नापलायेगु पालय् दर्शन बियादिल, अन वय्‌कलं थःगु वचनपाखें थःत शमूएलयाथाय् क्‍यनादिल।