१ शमूएल 27:9 - नेवाः बाइबल

⁹ दाऊदं देय्‌त लुतय् याइबलय् वं मिजं वा मिसा सुयातं म्‍वाका तइ मखु। अले वं फै-च्‍वलय् व सा-द्वहंत, गधा व ऊँट व वसःत नं यंकाः आकीशया थासय् तुं लिहां वइगु खः।

१ शमूएल 27:9 ပူးပေါင်းရင်းမြစ်များ

उत्‍पत्ति 16:7

परमप्रभुया दूतं वयात मरुभूमिइ शूरपाखे वनेगु लँय् लाःगु लःया मुहान दुथाय् नापलात।

उत्‍पत्ति 25:18

इश्‍माएलया काय्‌पिं मिश्रया पुर्बपाखे अश्‍शूर वनेगु लँय्, हबीलांनिसें शूर तक च्‍वनाच्‍वंगु खः। इपिं अब्राहामया मेपिं सन्‍तानलिसे मिले मजुसे अलग्‍ग च्‍वनाच्‍वंगु खः।

अय्‍यूब 1:3

वयाके न्‍हय्‌द्वःम्‍ह फै, स्‍वद्वःम्‍ह ऊँट, द्वःछिम्‍ह सा द्वहं व न्‍यासःम्‍ह गधा दु। वया यक्‍व दासदासीत नं दु। पुर्बयापिं मनूत मध्‍ये व दकलय् तःमिम्‍ह खः।

प्रस्‍थान 15:22

अले मोशां इस्राएलीतय्‌त लाल समुद्रं शूर धयागु मरुभूमिपाखे यंकल। इपिं स्‍वन्‍हु तक मरुभूमिइ न्‍यासि वन नं लः छफुति हे लुइके मफुत।

यहोशू 6:21

इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”

१ शमूएल 15:7

अनंलि शाऊलं अमालेकीतय्‌त हवीलांनिसें मिश्रया पुर्बया लागाय् च्‍वंगु शूर तक हे हमला यात।

१ शमूएल 15:8

वं अमालेकीतय् जुजु अगागया फुक्‍क मनूतय्‌त तरवारं भज्‍यंक नाश यानाः अगाग जुजुयात धाःसा मस्‍यासे ज्‍वन।