१ शमूएल 27:8 - नेवाः बाइबल

⁸ दाऊद व वया मनूत हमला याः वनीगु अले गशूरीत, गिज्रीत व अमालेकीतय्‌त लुतय् याइगु। इपिं न्‍हापांनिसें हे शूर व मिश्रय् थ्‍यंकाच्‍वनाः च्‍वंपिं खः।

१ शमूएल 27:8 ပူးပေါင်းရင်းမြစ်များ

२ शमूएल 14:23

अनंलि व थत्‍थें गशूरय् वनाः अब्‍शालोमयात यरूशलेमय् लितब्‍वनाहल।

२ शमूएल 14:32

अब्‍शालोमं धाल, “स्‍व, जिं छपाखें जुजुयाथाय् खबर छ्वये फइ ला धकाः छन्‍त थन सःतके छ्वयाहया। जि गशूरं थन वयाः छाय् च्‍वंवया च्‍वनेमाल? जि अन हे च्‍वनाच्‍वंसा ज्‍यूगु नि। अथे जुयाः आः जि जुजुया न्‍ह्यःने दंवने दयेमाः। अले जिं छुं द्वंकागु दुसा वय्‌कलं जितः स्‍यायेमा।”

२ शमूएल 15:8

छःपिनि दास जि अराम देशया गशूरय् च्‍वंच्‍वनाबलय् परमप्रभुनापं थथे धकाः भाकल यानागु खः, परमप्रभुं जितः यरूशलेमय् लितब्‍वनाहयादिल धाःसा जिं हेब्रोनय् परमप्रभुया आराधना याये।”

२ शमूएल 3:22

भचा लिपा दाऊदया मनूत व योआब छगू लडाइँलय् थःपिन्‍सं लाकाकाःगु मालताल ज्‍वनाः लिहां वल। इपिं अन थ्‍यंबलय् अबनेर दाऊदयाथाय् हेब्रोनय् मदु। छाय्‌धाःसा दाऊदं अबनेरयात बांलाक बिदा बियाः याउँक छ्वये धुंकूगु खः।

२ शमूएल 3:3

वया माइलाम्‍ह काय् किलाब खः, थ्‍वया मां कर्मेलयाम्‍ह सी धुंकूम्‍ह नाबालया कलाः अबीगेल खः। साहिँलाम्‍ह काय् अब्‍शालोम खः, थ्‍वया मां गशूरयाम्‍ह जुजु तल्‍मैया म्‍ह्याय् माका खः।

१ इतिहास 2:23

तर गशूर व अरामं इमिगुपाखें हब्‍बात-याईर व केनातयात उकिया जःखः च्‍वंगु खुइगू शहरनापं त्‍याका काल। थुपिं सकले गिलादया बाः माकीरया सन्‍तान खः।

प्रस्‍थान 15:22

अले मोशां इस्राएलीतय्‌त लाल समुद्रं शूर धयागु मरुभूमिपाखे यंकल। इपिं स्‍वन्‍हु तक मरुभूमिइ न्‍यासि वन नं लः छफुति हे लुइके मफुत।

प्रस्‍थान 17:8

रपीदीमय् च्‍वनाच्‍वंबलय् अमालेकीतय्‌सं वयाः इस्राएलीतय्‌त हमला यात।

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

गन्‍ती 14:45

डाँडाय् च्‍वंगु देशय् च्‍वंपिं अमालेकीत व कनानीतय्‌सं कुहां वयाः इमित हय्‌क्‍कयाः बुकल। अले होर्मा तक लिनाहल।

यहोशू 12:5

वं हेर्मोन पर्वत, सलका व फुक्‍क बाशानय् गशूरीत व माकातीतय् सिमाना तक व हेश्‍बोनया जुजु सीहोनयागु सिमाना तक व बच्‍छि गिलादय् राज्‍य याःगु खः।

यहोशू 13:13

अय्‌नं इस्राएलीतय्‌सं गशूरीत व माकातीतय्‌त लिना मछ्वः। अथे जुयाः इपिं थौं तक नं इस्राएलीतय् दथुइ च्‍वनाच्‍वंगु दु।

यहोशू 13:2

“थुपिं देशत ल्‍यंदनि, पलिश्‍ती व गशूरीतय् फुक्‍क इलाका–

यहोशू 16:10

इमिसं गेजेरय् च्‍वंपिं कनानीतय्‌त पितमछ्वः। थौं तक नं कनानीत एफ्राइमयापिं मनूतलिसें दास थें ज्‍या याइपिं ज्‍यामि जुयाः च्‍वनाच्‍वंगु दु।

न्‍यायकर्ता 1:29

गेजेर शहरय् च्‍वंपिं कनानीतय्‌त एफ्राइम कुलयापिन्‍सं नं ख्‍याना छ्वये मफुत। उकिं कनानीत इपिंलिसें च्‍वना हे च्‍वन।

१ शमूएल 29:6

अनंलि आकीशं दाऊदयात सःतके छ्वत अले धाल, “धात्‍थें परमप्रभु म्‍वाःम्‍ह खः थें, छ तसकं पक्‍काम्‍ह मनू खः, अले जिगु सेनाय् छं याःगु ज्‍या खनाः जि तसकं लय्‌ताः। छ जिथाय् वसांनिसें जिं छंके छुं दोष लुइकागु मदु तर मेपिं शासकतय्‌सं छन्‍त पत्‍याः मयाः।

१ शमूएल 30:1

स्‍वन्‍हु खुन्‍हु दाऊद व वया मनूत सिक्‍लगय् थ्‍यंकः वल। उगु इलय् अमालेकीतय्‌सं नेगेव व सिक्‍लगय् लुतय् याये धुंकूगु व सिक्‍लगय् हमला यानाः मि छ्वय्‌काब्‍यूगु इमिसं खन।