१ शमूएल 27:4 - नेवाः बाइबल

⁴ दाऊद गातय् बिस्‍युं वन धकाः शाऊलयात कनाबिल, अले शाऊलं दाऊदयात मालेगु त्‍वःतल।

१ शमूएल 27:4 ပူးပေါင်းရင်းမြစ်များ

२ शमूएल 15:18

गातपाखें जुजुनापं वःपिं खुसःम्‍ह गित्ती अले करेती व पेलेथीनापं जुजुया फुक्‍क मनूत जुजुया न्‍ह्यःनं हे न्‍यासि वन।

१ शमूएल 26:21

अनंलि शाऊलं लिसः बिल, “जिं पाप यानागु दु, लिहां वा! हे जिकाय् दाऊद, थौंया न्‍हिइ छं जिगु प्राण तसकं मू वंगु ताय्‌का जितः बचय् यात। आवंलि जिं गुबलें नं छंगु हानि याये मखु। जि मूर्खम्‍ह खः, जिं द्वंकागु दु।”

१ शमूएल 27:3

दाऊदं थः मनूत व इमि परिवारत, थः निम्‍ह कलाः यिजरेली अहीनोम व कर्मेलयाम्‍ह सी धुंकूम्‍ह नाबालया कलाः अबीगेलयात ज्‍वनाः आकीशनापं गातय् च्‍वनेत वन।

१ शमूएल 27:5

दाऊदं आकीशयात धाल, “छिसं थः दासयात यय्‌कागु दु धइगु खःसा छिगु देशय् जिपिं च्‍वनेत छगू शहर बियादिसँ। छाय् जि छिकपिनि दास राजधानीइ छिनापं च्‍वनेगु?”