१ शमूएल 27:12 - नेवाः बाइबल

¹² तर आकीशं दाऊदयात पत्‍याः यानाः थथे धाल, “व थः इस्राएली मनूतय्‌गु न्‍ह्यःने तसकं मभिंम्‍ह जूगु दु, अथे जुयाः व जिवंकाःछि जिगु दास जुयाच्‍वनी।”

१ शमूएल 27:12 ပူးပေါင်းရင်းမြစ်များ

उत्‍पत्ति 34:30

याकूबं शिमियोन व लेवीयात धाल, “छिमिसं जितः आपतय् लाकाबिल। आः जितः कनानी, परिज्‍जी व थनच्‍वंपिं फुक्‍कसिनं मही। झी ल्‍याखं आपाः मदु। इपिं फुक्‍क जानाः झीपिंलिसे ल्‍वाः वल धाःसा झीपिं फुक्‍कं सी।”

२ शमूएल 10:6

आः जिपिं दाऊदया निंतिं मिखां स्‍वये मयःपिं मनूत जुइ धुंकल धकाः अम्‍मोनीतय्‌सं सिल। उकिं इमिसं बेथ-रहोब व सोबा शहरं निइद्वः न्‍यासि वनीपिं अरामी सिपाइँत थःपिन्‍त ग्‍वाहालिया निंतिं बालं कयाः हल। इमिसं माकाया जुजुनापं वया सेनात द्वःछि व तोबपाखें झिंनिद्वः मनूत बालं कयाहल।

प्रस्‍थान 5:21

अले इमिसं धाल, “परमप्रभुं छिकपिनिगु न्‍याय यानादीमा, छाय्‌धाःसा छिकपिन्‍सं यानाः जुजु व वया भारदारत जिपिंलिसें तंचाःगु दु, अले जिमित स्‍यायेत तरवार नं बियादीगु दु।”

१ शमूएल 13:4

अले शाऊलं पलिश्‍तीतय्‌गु छाउनीइ हमला यात व पलिश्‍तीतय्‌सं इस्राएलीतय्‌त तसकं मय्‌कल धयागु खँ फुक्‍क इस्राएलीतय्‌सं न्‍यन। अथे जुयाः वयागु इनाप न्‍यनाः इपिं गिलगालय् शाऊलयाथाय् मुंवल।

१ शमूएल 27:11

दाऊदं म्‍वाःपिं सुं नं मिजं वा मिसात गातय् मह छाय्‌धाःसा सुं मनूयात म्‍वाकातःसा वं आकीशयात जिं छु यात व कनाबी फु धकाः वं बिचाः यात। पलिश्‍तीतनापं च्‍वनाच्‍वंतले वयागु पहःचहः थथे हे खः।

१ शमूएल 28:1

छुं ई लिपा पलिश्‍तीतय्‌सं इस्राएलीतलिसें लडाइँ यायेत थः सेनातय्‌त मुंकल। अले आकीशं दाऊदयात धाल, “छ व छिमि मनूत जिनापं लडाइँलय् वनेमाः धकाः ला छं स्‍यू जुइमा।”