१ शमूएल 27:1 - नेवाः बाइबल1 दाऊदं थथे बिचाः यात, “छन्हु ला छन्हु शाऊलं जितः स्या हे स्याइतिनि। अथे जुयाः पलिश्तीतय्गु लागाय् बिस्युं वनेगु हे जितः बांलाइ। अले शाऊलं जितः इस्राएलय् दक्व थासय् मालेगु त्वःती। थुकथं जि वयागु ल्हातं बचय् जुइ।” အခန်းကိုကြည့်ပါ။ |
परमप्रभुं शमूएलयात धयादिल, “छ ग्वःन्हु तक शाऊलया निंतिं दुखं च्वनेगु? जिं वयात इस्राएलया जुजुया थासं लिकाये धुनागु दु। अथे जुयाः छंके दुगु नेकुलिइ जैतूनया भतिचा चिकं तयाः ज्वनाः हुँ। जिं छन्त बेथलेहेमय् यिशैयाथाय् छ्वयेत्यनागु दु। छाय्धाःसा जिं वया काय्पिं मध्ये छम्हय्सित जुजु ल्ययागु दु।”
हे प्रभु जिमि जुजु, जिं छु धायेत्यनागु दु बांलाक ध्यान बियाः न्यनादिसँ। थथे परमप्रभुं हे छितः जिगु विरोधय् याकेब्यूगु खःसा जितः वय्कःयात छगू भेटी छाय्के बियादिसँ सके वय्कःया मन हिलिला। तर छुं जुयाः थ्व मनूतय्सं याकूगु जूसा इमित परमप्रभु सराः लायेमा। छाय्धाःसा थौं ‘वं मेपिं द्यःतय्गु सेवा यायेमा’ धकाः इमिसं जितः परमप्रभुया सर्बयपाखें लिकाःगु दु।