१ शमूएल 26:23 - नेवाः बाइबल

²³ परमप्रभुं सकलें मनूतय्‌त वयागु धार्मिकता व विश्‍वास याये बहःया निंतिं सिरपाः बियादी। थौं परमप्रभुं छितः जिगु ल्‍हातय् बियादीगु दु तर जिं परमप्रभुया अभिषेक जूम्‍हय्‌सित ल्‍हाः ल्‍ह्वने मखु धकाः छुं मयाना।

१ शमूएल 26:23 ပူးပေါင်းရင်းမြစ်များ

२ शमूएल 22:21

जिं भिं यानाजुयागुलिं परमप्रभुं नं जितः भिं यानादिल। अले जि दोष मदुम्‍ह जूगुलिं वय्‌कलं जितः आशिष बियादिल,

२ शमूएल 22:25

जिं भिं यानाजुयागुलिं व जि दोष मदुम्‍ह जूगुलिं परमप्रभुं जितः भिं यानादिल।

१ राजा 8:32

छिं स्‍वर्गं न्‍यनाः वकथं हे यानादिसँ। थः दासतय्‌गु दथुइ न्‍याय यानादिसँ। दोषीयात पाय्‌छिगु सजाँय बियादिसँ, दोषी मखुम्‍हय्‌सित त्‍वःतकादिसँ।

नहेम्‍याह 13:14

हे जिमि परमेश्‍वर, जिगु थ्‍व ज्‍या जिगु भिंया निंतिं लुमंका तयादिसँ। अले जिं जिमि परमेश्‍वरया देगःयागु व उकिया सेवाया निंतिं थुलि विश्‍वास बहःम्‍ह जुयाः छु यानागु दु उकियात हुयाछ्‌वयादी मते।

अय्‍यूब 34:11

छाय्‌धाःसा वय्‌कलं ला मनूयात वयागु ज्‍या स्‍वयाः फल बियादी, वयागु पहःचहःकथं फल बियादी।

भजनसंग्रहया सफू 62:12

सदां दयाच्‍वनीगु माया नं जिगु हे खः।” हे परमप्रभु छिं मनूतय्‌गु ज्‍या स्‍वयाः सिरपाः बियादी।

१ शमूएल 24:11

स्‍वयादिसँ! हनेबहःम्‍ह अबु, जिगु ल्‍हातय् दुगु थ्‍व छिगु हे गाया कुचा खः। स्‍वयादिसँ! जिं व जक चाना, छितः मस्‍याना। थुकिं हे छिसं सीकादिसँ, छिगु विरोधय् विद्रोह यायेगु अले छितः मभिं यायेगु नं मति मतया। जिं छिगु छुं हे मभिं मयाना। अय्‌नं छिं जितः स्‍यायेत लिनाजुल।

१ शमूएल 24:12

“झीपिं निम्‍हय्‌सियागु दथुइ परमप्रभुं हे न्‍याय यानादीमा। छिसं जिगु विरोधय् यानादीगु ज्‍याया निंतिं परमप्रभुं हे छितः बदला कयादीमा। अय्‌नं जिं धाःसा थःगु ल्‍हाः छिगु विरोधय् गुब्‍सं ल्‍ह्वने मखु।

१ शमूएल 24:18

खः, छं थौं जितः छ जि प्रति गुलि भिंम्‍ह खः व क्‍यन। परमप्रभुं जितः छंगु ल्‍हातय् लःल्‍हानादिल अय्‌नं छं जितः मस्‍याः।

१ शमूएल 24:19

सु मनुखं थः शत्रुयात नापलाकाः वयात छुं मयासें त्‍वःताछ्वइ ला? अथे जुयाः थौंयागु न्‍हिइ छं जि प्रति छु याःगु दु परमप्रभुं उकिया पलेसा छन्‍त तःधंगु इनाम बियादीमा।

१ शमूएल 26:11

तर जिं परमप्रभुया अभिषेक जूम्‍हय्‌सिया विरोधय् गुबलें ल्‍हाः ल्‍ह्वने म्‍वालेमा। झीसं वया छ्यं लिक्‍क दुगु भाला व आम्‍खुरा ज्‍वनाः वनेनु।”

१ शमूएल 26:22

दाऊदं लिसः बिल, “जुजुया भाला थन दु। छिकपिनि सुं छम्‍ह मनुखं वयाः व कयाः यंकेमा।

१ शमूएल 26:9

तर दाऊदं वयात धाल, “जुजुयात स्‍याये मते। परमप्रभुया अभिषेक जूम्‍हय्‌सित ल्‍हाः ल्‍ह्वंम्‍ह सु जक दोषी मजूगु दु?”