१ शमूएल 26:12 - नेवाः बाइबल

¹² अथे जुयाः दाऊदं शाऊलया छ्यंफुसय् च्‍वंगु भाला व आम्‍खुरा कयाः अबीशैनापं वन। छाउनी दुने द्यनाच्‍वंपिं सुं नं सिपाइँतय् न्‍ह्यलं मचाः अले सुनां खं नं मखं। परमप्रभुपाखें छ्वयाहःगु न्‍ह्यलय् इपिं द्यनाच्‍वंगु खः।

१ शमूएल 26:12 ပူးပေါင်းရင်းမြစ်များ

उत्‍पत्ति 15:12

निभाः बीथे च्‍वंकाः अब्रामयात छुं हे मचाय्‌क न्‍ह्यः वय्‌काबिल। अले वयात तसकं ख्‍वातुगु व ग्‍यानापुगु खिउँनं त्‍वपुल।

उत्‍पत्ति 2:21

अले परमप्रभु परमेश्‍वरं मनूयात छुं हे मचाय्‌क न्‍ह्यः वय्‌काबिल। व न्‍ह्यः वय्‌काच्‍वंबलय् परमेश्‍वरं वयागु बपिक्‍वँय् छपु लिकयाः उकिया थासय् लां जाय्‌कादिल।

एस्‍तर 6:1

उखुन्‍हु चान्‍हय् जुजु द्यने मफुत, अथे जुयाः भारदारतय्‌त सःताः थःगु शासनया इलय् जूगु फुक्‍क घटना च्‍वयातःगु सफू ब्‍वनाः न्‍यंकेत उजं बिल। अले जुजुयात व ब्‍वनाः न्‍यंकल।

यशैया 29:10

परमप्रभुं छिमित स्‍याक्‍क न्‍ह्यःवय्‌कादीगु दु। अले छंगु मिखा (अगमवक्तात) तिनाब्‍यूगु दु, अले छंगु छ्यं (दर्शन खनीपिं) त्‍वपुयाब्‍यूगु दु।

१ शमूएल 24:4

दाऊदया मनूतय्‌सं वयात धाल, “थ्‍व व हे न्‍हि खः गुकिया बारे परमप्रभुं धयादिल। वय्‌कलं छि शत्रुत छिगु ल्‍हातय् लःल्‍हानादी, अले इमित छिं छु याये यः याये फु।” शाऊलं मचाय्‌क दाऊदं चिसकं क्‍वछुनाः वनाः वय्‌कःया गाया च्‍वः चानाबिल।

१ शमूएल 26:13

अले दाऊद तापाक्‍क मेखेपाखे च्‍वंगु पहाडया च्‍वकाय् दना च्‍वंवन। इमिगु दथुइ तसकं तापात।

१ शमूएल 26:7

अथे जुयाः दाऊद व अबीशै चान्‍हय् छाउनी दुहां वन अले सिपाइँतय् दथुइ शाऊलयात वया भाला छ्यंफुसय् बँय् तिनाः द्यनाच्‍वंगु खन। अबनेर व सिपाइँत धाःसा शाऊलयात दथुइ तयाः चाकःछिं द्यनाच्‍वंगु खः।