१ शमूएल 26:10 - नेवाः बाइबल

¹⁰ दाऊदं धाल, “धात्‍थें परमप्रभु म्‍वाःम्‍ह खः थें, परमप्रभुं थःम्‍हं हे वयात स्‍यानादी वा व थःगु कालं सी अथवा व लडाइँ याः वनीबलय् सी।

१ शमूएल 26:10 ပူးပေါင်းရင်းမြစ်များ

उत्‍पत्ति 47:29

इस्राएलं थः सीत्‍यय्‌काः थःकाय् योसेफयात सःताः धाल, “छं जितः धात्‍थें हे माया यानागु खःसा जितः थन मिश्रय् थुने मखु धकाः बचं ब्‍यु।

अय्‍यूब 14:14

मनू सीधुंकाः व हाकनं म्‍वाइ ला? जिगु दुःखया ई न्‍ह्याक्‍व हे ताहाकःगु जूसां जिगु छुत्‍कारा मजुतले जि पिया हे च्‍वने।

अय्‍यूब 14:5

मनूया जीवनया दिं क्‍वःछिनातःगु दइ। वयागु लाया ल्‍याः छिके दु। छिं वयागु सिमाना चिनादीगु दु। वं व पुलावने फइ मखु।

अय्‍यूब 7:1

“पृथ्‍वीइ मनुखं तसकं थाकुक ज्‍या याये म्‍वा ला? वयागु दिंत ज्‍यालाय् ज्‍या याइपिं मनूतय्‌गु थें मच्‍वं ला?

भजनसंग्रहया सफू 37:10

मभिंपिं याकनं मदयावनी, छिमिसं मालाः स्‍वःसां खंके फइ मखु।

भजनसंग्रहया सफू 37:13

परमप्रभु मभिंपिं खनाः न्‍हिलादी, छाय्‌धाःसा वय्‌कलं स्‍यू, इपिं याकनं नाश जुयावनी।

भजनसंग्रहया सफू 94:23

परमेश्‍वरं इमिगु मभिंगु ज्‍याया पलेसा मभिं यानादी, इमिगु पापया लागि इमित नाश यानादी। परमप्रभु झी परमेश्‍वरं इमित नाश यानादी।

उपदेशक 3:2

बुइगु छगू ई दु, सीगु छगू ई दु। पीगु छगू ई दु, लयेगु छगू ई दु।

लूका 18:7

अले छु, परमेश्‍वरं जक चान्‍हि थःके ग्‍वाहालि फ्‍वनाच्‍वंपिं थःम्‍हं हे ल्‍ययातःपिं मनूतय्‌त स्‍वयामदी ला? छु वय्‌कलं थः मनूतय्‌त ग्‍वाहालि यायेत लिबाकादी ला?

रोमी 12:19

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

व्‍यवस्‍था 31:14

अले परमप्रभुं मोशायात धयादिल, “स्‍व, छ अप्‍वः म्‍वाइ मखुत। छं यहोशूयात सःति, अले छिपिं निम्‍हं नापलायेगु पालय् वा, अन जिं वयात ज्‍या ब्‍वये।” अथे जुयाः मोशा व यहोशू नापलायेगु पालय् वन।

व्‍यवस्‍था 32:35

जिं थम्‍हं हे इमित बदला काये, जिं इमित सजाँय बी। इपिं भज्‍यंक नाश जुइगु ई वयेत्‍यंगु दु। याकनं हे इपिं खने मदयावनी।”

हिब्रू 10:30

“बदला कायेगु ज्‍या जिगु खः, जिं हे बदला काये,” धयादीम्‍हय्‌सित झीसं म्‍हस्‍यू। थथे नं धयातःगु दु – “परमप्रभुं हे वय्‌कःया मनूतय्‌त न्‍याय यानादी।”

हिब्रू 9:27

मनू छकः सी, अले सीधुंकाः वयागु न्‍याय जुइ।

प्रकाश 18:8

उकिं छन्‍हुं हे वयात ल्‍वय्, दुःख, आपत, अले अनिकाल वइ। अले वयात मिइ उनाछ्वइ, छाय्‌धाःसा वयात न्‍याय यानादीम्‍ह परमप्रभु परमेश्‍वर शक्ति दुम्‍ह खः।”

१ शमूएल 24:12

“झीपिं निम्‍हय्‌सियागु दथुइ परमप्रभुं हे न्‍याय यानादीमा। छिसं जिगु विरोधय् यानादीगु ज्‍याया निंतिं परमप्रभुं हे छितः बदला कयादीमा। अय्‌नं जिं धाःसा थःगु ल्‍हाः छिगु विरोधय् गुब्‍सं ल्‍ह्वने मखु।

१ शमूएल 24:15

परमप्रभुं हे झीगु न्‍याय यानादी अले झीपिं निम्‍ह मध्‍ये सु ठीक जू अले सुयाके दोष दु धकाः फैसला यानादी। वय्‌कलं हे थुकिया जाँच यानादीमा अले जितः बचय् यानाः जि खःम्‍ह मनू खः धकाः थहरय् यानादीमा।”

१ शमूएल 25:26

“आः हे जिमि प्रभु, ल्‍वापु ख्‍याःपु यानाः हि हायेकेगु व बदला कायेगु खँय् छितः परमप्रभुं पनादीगु दु। धात्‍थें परमप्रभु छिकपिनि परमेश्‍वर म्‍वाःम्‍ह खः थें, अले छि म्‍वाःम्‍ह खः थें, जिं धाये, छपिनि शत्रुतय्‌गु व छिकपिनिगु नाश जुइगु यय्‌कीपिनिगु गति नाबालया थें हे जुइमा।

१ शमूएल 25:38

झिंन्‍हु लिपातिनि परमप्रभुं वयात हय्‌कयादिल अले व सित।

१ शमूएल 25:39

नाबाल सित धकाः दाऊदं न्‍यन अले धाल, “परमप्रभुया प्रशंसा जुइमा! जितः मभिंकाः हेस्‍याःगुलिं वय्‌कलं वयात ब्‍वलासायादिल अले जितः मभिं यायेगुपाखें बचय् यानादिल। नाबालं याःगु मभिंगु ज्‍या परमप्रभुं वयागु हे छेनय् प्‍वंकादिल।” अनंलि दाऊदं थः च्‍यःतपाखें अबीगेलयात थःनापं ब्‍याहा यायेगु निंतिं खबर छ्वल।

१ शमूएल 31:4

अनंलि शाऊलं थःगु निंतिं ल्‍वाभः ज्‍वनीम्‍हय्‌सित धाल, “छंगु दापय् तरवार लिकयाः जितः सुयाब्‍यु अले थुपिं म्‍हय् चिं मतःपिं मभिंपिन्‍सं निन्‍दा यानाः जिगु बेज्‍जत मयायेमा।” तर व ल्‍वाभः ज्‍वनीम्‍ह तसकं ग्‍यानाः मानय् मजुल। वं अथे यायेगु आँट मयाः। अथे जुयाः शाऊलं थःगु तरवार काल अले उकिं सुयाः व सित।

१ शमूएल 31:6

थुकथं शाऊल व वया स्‍वम्‍हं काय्‌पिं व वया ल्‍वाभः ज्‍वनीम्‍ह ल्‍याय्‌म्‍हम्‍ह सित। उखुन्‍हु हे शाऊलया फुक्‍कं मनूत सित।