१ शमूएल 24:4 - नेवाः बाइबल

⁴ दाऊदया मनूतय्‌सं वयात धाल, “थ्‍व व हे न्‍हि खः गुकिया बारे परमप्रभुं धयादिल। वय्‌कलं छि शत्रुत छिगु ल्‍हातय् लःल्‍हानादी, अले इमित छिं छु याये यः याये फु।” शाऊलं मचाय्‌क दाऊदं चिसकं क्‍वछुनाः वनाः वय्‌कःया गाया च्‍वः चानाबिल।

१ शमूएल 24:4 ပူးပေါင်းရင်းမြစ်များ

२ शमूएल 4:8

इमिसं ईश्‍बोशेतया छ्यं हेब्रोनय् दाऊदयाथाय् हल। अले जुजुयात धाल, “छितः स्‍यायेत कुतः याःम्‍ह छिकपिनि शत्रु शाऊलया काय् ईश्‍बोशेतया छ्यं थन दु स्‍वयादिसँ! परमप्रभुं शाऊल व वया सन्‍तानतय्‌त छिगु निंतिं बदला काःगु दु।”

अय्‍यूब 31:31

जि च्‍यःतय्‌सं गुबलें थथे धाःगु मदु, ‘वं मेपिन्‍त नयेपित्‍याकाः वनेबिल।’

भजनसंग्रहया सफू 142:1

हे परमप्रभु, जिं छितः ख्‍वःसलं इनाप याये, जिं दयाया निंतिं तःसलं हालाः परमप्रभुयात प्रार्थना याये।

भजनसंग्रहया सफू 57:1

जितः दया यानादिसँ, हे परमेश्‍वर! जितः दया यानादिसँ! जि छिगु शरणय् वयागु दु। थ्‍व आपत चिलामवंतले जि छिगु पपूया किचलय् शरण कयाच्‍वने।

प्रस्‍थान 21:13

छुं जुयाः सुनां नं स्‍याये धकाः स्‍याःगु मखुसे आकाझाकां जक जूगु खःसा वयात बिस्‍युं वनेत जिं थाय् क्‍यनाबी।

१ शमूएल 22:1

दाऊद गातं बिस्‍युं वनाः अदुल्‍लामया गुफाय् वन। वया दाजुपिन्‍सं व परिवारं थ्‍व खँ सिल अले इपिं दाऊदयाथाय् वल।

१ शमूएल 23:17

वं थथे धाल, “ग्‍याये मते, जिमि बौ शाऊलं छन्‍त छुं हानि याये फइ मखु। छि हे इस्राएलया जुजु जुइ अले जि धाःसा छि स्‍वयाः क्‍वय् च्‍वनीम्‍ह जुइ धकाः जिमि बौ शाऊलं नं थ्‍व खँ स्‍यू।”

१ शमूएल 23:7

दाऊद कीलाहय् वंगु खँ सुं छम्‍हय्‌सिनं शाऊलयात कन अले वं धाल, “इमित परमेश्‍वरं जिगु ल्‍हातय् लःल्‍हानादीगु दु। पःखालं घेरय् यानातःगु बल्‍लाक गजबार तयातःगु ध्‍वाखा दुगु शहरय् दाऊद थःम्‍हं थः हे दुहां वनाः कुंकेगु थें जूगु दु।”

१ शमूएल 24:10

थौं छपिन्‍सं हे खंगु दु गुफाय् दुने परमप्रभुं छितः जिगु ल्‍हातय् लःल्‍हानादीगु। जिमि गुलिखय् मनूतय्‌सं छितः स्‍यायेमाः धकाः धाःगु दु अय्‌नं जिं छितः मस्‍यासे त्‍वःताबिया। अले जिं धया, ‘जिं थःगु ल्‍हाः जिमि मालिकया विरोधय् ल्‍ह्वने मफु छाय्‌धाःसा वय्‌कः परमप्रभुया अभिषेक जूम्‍ह खः।’

१ शमूएल 24:18

खः, छं थौं जितः छ जि प्रति गुलि भिंम्‍ह खः व क्‍यन। परमप्रभुं जितः छंगु ल्‍हातय् लःल्‍हानादिल अय्‌नं छं जितः मस्‍याः।

१ शमूएल 26:23

परमप्रभुं सकलें मनूतय्‌त वयागु धार्मिकता व विश्‍वास याये बहःया निंतिं सिरपाः बियादी। थौं परमप्रभुं छितः जिगु ल्‍हातय् बियादीगु दु तर जिं परमप्रभुया अभिषेक जूम्‍हय्‌सित ल्‍हाः ल्‍ह्वने मखु धकाः छुं मयाना।