१ शमूएल 23:9 - नेवाः बाइबल

⁹ शाऊलं थःत हमला यायेत तयार याःगु दु धइगु खँ न्‍यनाः दाऊदं पुजाहारी अबियाथारयात धाल, “एपोद ज्‍वनाः थन वा।”

१ शमूएल 23:9 ပူးပေါင်းရင်းမြစ်များ

१ राजा 2:26

अबियाथार पुजाहारीयात जुजुं धाल, “छ अनातोत गामय् थःगु छेँय् हुँ। छ स्‍यायेमाःम्‍ह खः, अय्‌नं जिं आः छन्‍त स्‍याये मखुनि। छाय्‌धाःसा छं जिमि अबु दाऊदया न्‍ह्यःने परमप्रभुया सनू क्‍वबीगु खः, अले वय्‌कःया फुक्‍क दुःखकष्‍टय् छं नं ब्‍वति काःगु खः।”

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

होशे 3:4

थुकथं इस्राएलीत यक्‍व दिं तक राजा वा राजकुमार मदय्‌क बलिदान व पुजा यायेगु ल्‍वहंया थां मदय्‌क व एपोद व छेँया द्यःत मदय्‌काः च्‍वनी।

गन्‍ती 27:21

यहोशू पुजाहारी एलाजारया न्‍ह्यःने दनेगु यायेमाः, एलाजारं वयागु निंतिं परमप्रभुयाके ऊरीमपाखें फैसला न्‍यनेगु यायेमाः। यहोशूयागु हे उजंकथं फुक्‍क इस्राएलीत व नापं हे वयेगु व वनेगु यायेमाः।”

प्रेरित 14:6

स्‍वयाच्‍वंगु दु धकाः सीकाः इपिं लुकोनियाय् च्‍वंगु लुस्‍त्रा व डर्बी धाःगु शहर व इमिगु जःखः च्‍वंगु जिल्‍ला जुयाः बिस्‍युं वन।

प्रेरित 9:24

थ्‍व खँ शाऊलं सिल। यहूदीत वयात स्‍यायेत चान्‍हिं दमस्‍कसया ध्‍वाखा पतिं पिवाः च्‍वना जुल।

१ शमूएल 10:22

अले हाकनं इमिसं परमप्रभुयात न्‍यन, “छु व मनू थन वःगु दु ला?” परमप्रभुं लिसः बियादिल, “व अन सामान तया तःथाय् दथुइ सुलाच्‍वंगु दु।”

१ शमूएल 14:18

शाऊलं अहियाहयात धाल, “परमेश्‍वरया सनू थन हजि।” (उबलय् सनू इस्राएलीतनापं हे यंकाच्‍वंगु खः।)

१ शमूएल 22:20

अहीमेलेकया अबियाथार नांयाम्‍ह छम्‍ह काय् धाःसा दाऊदयाथाय् बिस्‍युं वन।

१ शमूएल 23:10

अनंलि दाऊदं धाल, “हे परमप्रभु इस्राएलया परमेश्‍वर, शाऊल कीलाहय् वयाः जिगु कारणं व शहरयात नाश यायेगु बिचाः याःगु दु धइगु खँ जि छिकपिनि दासं न्‍यनागु दु।

१ शमूएल 23:6

अहीमेलेकया काय् अबियाथार बिस्‍युं वनाः दाऊदनापं मिलय् जूवःबलय् थःनापं पुजाहारीया भिंगु सूती कापःया लं नं यंकूगु खः।

१ शमूएल 23:8

अथे जुयाः शाऊलं थः सिपाइँतय्‌त लडाइँया निंतिं मुंकल अले कीलाहय् हमला यानाः दाऊद व वया मनूतय्‌त घेरय् यायेत छ्वत।

१ शमूएल 30:7

दाऊदं अहीमेलेकया काय् पुजाहारी अबियाथारयात धाल, “पुजाहारीया भिंगु सूती कापःया लं जिथाय् हजि।” अले अबियाथारं व हयाबिल।