१ शमूएल 23:7 - नेवाः बाइबल

⁷ दाऊद कीलाहय् वंगु खँ सुं छम्‍हय्‌सिनं शाऊलयात कन अले वं धाल, “इमित परमेश्‍वरं जिगु ल्‍हातय् लःल्‍हानादीगु दु। पःखालं घेरय् यानातःगु बल्‍लाक गजबार तयातःगु ध्‍वाखा दुगु शहरय् दाऊद थःम्‍हं थः हे दुहां वनाः कुंकेगु थें जूगु दु।”

१ शमूएल 23:7 ပူးပေါင်းရင်းမြစ်များ

अय्‍यूब 20:5

दुष्‍टत छुं दिंया निंतिं जक त्‍याइ, परमेश्‍वरयात मानय् मयाइपिं मनूतय्‌गु लसता पलखया निंतिं जक खः।

भजनसंग्रहया सफू 31:21

परमप्रभुयात तःधंकि, छाय्‌धाःसा वय्‌कलं जितः थःगु सदां दयाच्‍वनीगु अजू चायापुगु माया क्‍यनादीगु दु। जिगु शहरय् हमला यायेत वःबलय् वय्‌कलं जितः बचय् यानादिल।

प्रस्‍थान 14:3

मिश्रया जुजु फारोनं बिचाः याइ, ‘इस्राएलीत लँ तनाः उखेंथुखें जुयाः मरुभूमिइ कुंका च्‍वनेमाल।’

प्रस्‍थान 15:9

“शत्रुं फुइँ क्‍यनाः धाल, ‘जिं इमित लिनाः ज्‍वने लाका हयागु फुक्‍कं जिं इने। इमिगु नाशं यानाः जिगु म्‍ह याउँसे च्‍वनी, जिं थःगु तरवार लिकाये, जिगु हे ल्‍हातं इमित नाश याये।’”

१ शमूएल 23:14

दाऊद पहाडी देशय्, जीपया मरुभूमिया सुरक्षित थासय् वनाः सुला च्‍वंवन। शाऊलं वयात न्‍हिया न्‍हिं हे मालाच्‍वंगु खः। तर परमप्रभुं दाऊदयात वयागु ल्‍हातय् लःल्‍हाना मदी।

१ शमूएल 23:6

अहीमेलेकया काय् अबियाथार बिस्‍युं वनाः दाऊदनापं मिलय् जूवःबलय् थःनापं पुजाहारीया भिंगु सूती कापःया लं नं यंकूगु खः।

१ शमूएल 23:8

अथे जुयाः शाऊलं थः सिपाइँतय्‌त लडाइँया निंतिं मुंकल अले कीलाहय् हमला यानाः दाऊद व वया मनूतय्‌त घेरय् यायेत छ्वत।