१ शमूएल 23:27 - नेवाः बाइबल

²⁷ व हे इलय् छम्‍ह दूत अन थ्‍यंकः वल अले शाऊलयात धाल, “थनं याकनं लिहांझासँ! पलिश्‍तीतय्‌सं देशय् हमला याः वये धुंकल!”

१ शमूएल 23:27 ပူးပေါင်းရင်းမြစ်များ

उत्‍पत्ति 22:14

अब्राहामं व थाय्‌या नां “परमप्रभुं बियादी” तल। थौं तक नं मनूतय्‌सं “परमप्रभुं पर्वतय् बियादी” धकाः धायेगु याः।

२ राजा 19:9

अश्‍शूरी जुजु सनहेरीबं मिश्र देशयाम्‍ह कूशी जुजु तिर्हाकाह थःलिसें लडाइँ यायेत वयाच्‍वंगु दु धकाः न्‍यन। उकिं वं हिजकियायाथाय् हाकनं दूततय्‌त थथे धाय्‌के छ्वल,

१ इतिहास 14:13

हाकनं छकः पलिश्‍तीत वयाः उगु ब्‍यासिइ लुटपीट यात।

भजनसंग्रहया सफू 116:3

कालया खिपतं जितः ततमतःक्‍यंकल। अले चिहानया सास्‍ती जिके वल। दुःख व संकटं जितः त्‍वपुल।

व्‍यवस्‍था 32:36

परमप्रभुं थःमनूतय्‌गु बल मदयावंगु खन कि वय्‌कलं इमिगु न्‍याय यानादी। छु दास वा छु स्‍वतन्‍त्र इपिं सुं बचय् जुयाच्‍वंगु मदइबलय्, वय्‌कलं थःगु सजाँय दिकादी।

प्रकाश 12:16

पृथ्‍वीं व मिसायात बचय् यायेत थःगु म्‍हुतु चाय्‌काः अजिङ्गरं पिकाःगु लः फुक्‍क त्‍वनाछ्वत।

१ शमूएल 23:26

शाऊल व वया मनूत डाँडाया छखेपाखे अले दाऊद व वया मनूत डाँडाया मेखेपाखे दुगु खः। शाऊल व वया मनूत न्‍ह्याःवयाः लिक्‍क थ्‍यंकः वल अले दाऊद व वया मनूत धाःसा याकन याकनं बिस्‍युं वनेत सनाच्‍वन। शाऊल व वया मनूतय्‌सं इमित ज्‍वनेत सन।

१ शमूएल 23:28

अथे जुयाः शाऊल दाऊदयात लिउ वनेगु त्‍वःताः पलिश्‍तीतय्‌नापं ल्‍वाः वन। थुकथं व थाय्‌यात सेला-हामालेकोथ धाल।

१ शमूएल 27:10

आकीशं वयात थथे धकाः न्‍यनेगु, “थौं छं गन लुतय् यानाहया?” अले वं थथे धाइगु, “यहूदाया नेगेव देशय्” वा “यरहमेलीतय्‌थाय् वा केनीतय्‌गु नेगेव देशय्।”