१ शमूएल 23:26 - नेवाः बाइबल

²⁶ शाऊल व वया मनूत डाँडाया छखेपाखे अले दाऊद व वया मनूत डाँडाया मेखेपाखे दुगु खः। शाऊल व वया मनूत न्‍ह्याःवयाः लिक्‍क थ्‍यंकः वल अले दाऊद व वया मनूत धाःसा याकन याकनं बिस्‍युं वनेत सनाच्‍वन। शाऊल व वया मनूतय्‌सं इमित ज्‍वनेत सन।

१ शमूएल 23:26 ပူးပေါင်းရင်းမြစ်များ

२ शमूएल 15:14

दाऊदं यरूशलेमय् थःनापं दुपिं भारदारतय्‌त धाल, “झीपिं अब्‍शालोमपाखें बिस्‍युं वनेमाःगु खःसा थथें हे वनेमाल। मखुसा व याकनं थन वइ अले शहरय् च्‍वंपिं सुं नं बचय् जुइ मखु।”

२ इतिहास 20:12

हे जिमि परमेश्‍वर, इमित सजाँय बियादिसँ। छाय्‌धाःसा जिमित हमला यायेत वःगु थ्‍व तःधंगु सेनानापं ल्‍वायेगु शक्ति जिमिके मदु। जिमिसं छु यायेमाः धकाः मस्‍यू, तर जिमिसं ग्‍वाहालिया लागि छिपाखे मिखा ब्‍वये।”

भजनसंग्रहया सफू 17:11

इमिसं पलाः पतिकं जिमित घेरय् याःगु दु। इमिसं जिमित बँय् बस्‍वायेत सुलाः पियाच्‍वंगु दु।

भजनसंग्रहया सफू 17:9

दुष्‍ट मनूतय्‌पाखें व जिगु प्‍यखें च्‍वंपिं ग्‍यानापुपिं शत्रुतय्‌पाखें जितः बचय् यानादिसँ।

भजनसंग्रहया सफू 22:12

द्वहंतय्‌सं थें जितः शत्रुतय्‌सं घेरय् यानातःगु दु। बाशान देशया ग्‍यानापुपिं द्वहंतय्‌सं थें जितः घेरय् यानातःगु दु।

भजनसंग्रहया सफू 22:16

जिमि शत्रुतय्‌गु पुचलं खिचात थें जिगु प्‍यखें मुंवःगु दु। इमिसं जिगु ल्‍हाःतुति त्‍यात्‍यायाये धुंकल।

भजनसंग्रहया सफू 31:22

जि छत्‍थुं ग्‍यानाः हाला, “जितः परमप्रभुपाखें तापाकल।” तर जिं ग्‍वाहालिया निंतिं छितः प्रार्थना यानाबलय् छिं जितः लिसः बियादिल।

२ कोरिन्‍थी 1:8

यःपिं दाजुकिजापिं, एशियाय् जिमित दुःखकष्‍ट जूगु खँ छिमिसं नं सीमा धयागु जिमिगु इच्‍छा दु। अबलय् जिमित जूवःगु दुःखकष्‍ट तसकं हे तःधंगुलिं जिमिसं सह याये तक नं मफुत। म्‍वाइ थें हे मच्‍वने धुंकूगु।

प्रकाश 20:9

अले इमिसं सारा संसारय् वनाः विश्‍वासीतय्‌त व परमेश्‍वरयात तसकं यःगु शहरयात घेरा तल। अले स्‍वर्गं मि कुतुं वयाः इपिं भस्‍म जुल।

न्‍यायकर्ता 16:2

शिमशोन वःगु खँ सियाः गाजायापिं मनूतय्‌सं व थाय् घेरय्‌ यात। इपिं चच्‍छि हे शहरया ध्‍वाखाय् वयात पियाच्‍वन। “झीसं वयात सुथय् स्‍याये” धकाः धयाः इमिसं चान्‍हय् छुं मयाः।

१ शमूएल 19:12

मीकलं दाऊदयात छपा झ्‍यालं क्‍वछ्वल अले व सुनानं मखंक बिस्‍युं वन।

१ शमूएल 20:38

ई सितिं छ्वये मते, याकनं या।” अले वं तीरत कयाः थः मालिकयाथाय् तुं लिहां वल।

१ शमूएल 23:25

शाऊल व वया मनूत दाऊदयात मालेत वन। थ्‍व खँ न्‍यनाः दाऊद ततःग्‍वःगु ल्‍वहंत दुगु माओन मरुभूमिइ वनाः च्‍वंवन। शाऊलं थ्‍व खँ न्‍यनेवं व दाऊदयात मालेत माओनया मरुभूमिइ वन।

१ शमूएल 23:27

व हे इलय् छम्‍ह दूत अन थ्‍यंकः वल अले शाऊलयात धाल, “थनं याकनं लिहांझासँ! पलिश्‍तीतय्‌सं देशय् हमला याः वये धुंकल!”