१ शमूएल 22:7 - नेवाः बाइबल

⁷ शाऊलं थः मनूतय्‌त धाल, “हे बेन्‍यामीनीत, जिगु खँ बांलाक ध्‍यान बियाः न्‍यँ। छु यिशैया काय्‌नं छिमित बुँ व दाखक्‍यब बी अले छिमित द्वःछि व सःछिया पुचःया सेनापति दय्‌की धकाः छिमिसं आशा यानाच्‍वना ला?

१ शमूएल 22:7 ပူးပေါင်းရင်းမြစ်များ

२ शमूएल 18:1

दाऊदं थःनापं दुपिं मनूतय्‌त लडाइँ यायेत मुंकल, अले द्वःछि द्वःछि व सछि-सछि पुचःया कप्‍तानत ल्‍यल।

२ शमूएल 20:1

शेबा नांयाम्‍ह छम्‍ह मभिंम्‍ह मनू गिलगालय् दु। व बेन्‍यामीनी बिक्रीया काय् खः। वं तुरही पुल अले तःसलं थथे धाल, “दाऊदयाके जिमिगु छु भाग दु? यिशैया काय्‌याके जिमिगु छुं नं अधिकार मदु। हे इस्राएल, छिपिं फुक्‍क थथःगु पालय् हुँ!”

१ राजा 12:16

जुजुं थःगु खँ मन्‍यंगु खनाः फुक्‍क इस्राएल चिल्‍लाय् दनाः हाल, “छु झीपिं दाऊदया परिवारया ब्‍वः खः ला? यिशैया काय्‌याके झीगु छुं अधिकारया भाग मदु। हे इस्राएल, थथःगु पालय् हुँ! हे दाऊद, छं थःगु हे छेँ स्‍व!” अनंलि इस्राएलयापिं मनूत थथःगु छेँय् वन।

१ इतिहास 12:16

छकः बेन्‍यामीन व यहूदा कुलयापिं छपुचः मनूत दाऊद दुगु किल्‍लाय् वल।

यशैया 11:1

यिशैया परिवारया थुथां छपु चुलि ह्वइ, अले उकिया हां पिहां वःगु न्‍हूगु कचां फल सय्‌की।

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

१ शमूएल 18:14

परमप्रभु व नापं दीगुलिं वं याःगु न्‍ह्यागु ज्‍याय् नं व ताःलात

१ शमूएल 20:27

तर कन्‍हय् खुन्‍हु ला निगूगु दिं दाऊदयाथाय् हानं खालि हे तिनि। अले शाऊलं जोनाथनयात न्‍यन, “म्‍हिगः व थौं यिशैया काय् दाऊद छाय् भ्‍वय् नयेत मवःगु?”

१ शमूएल 20:30

थ्‍व खँ न्‍यनाः शाऊलं जोनाथननापं तंपिकायाः धाल, “ग्‍वाज्‍यः, छ विद्रोही मिसाया काय् खः। छ यिशैया काय्‌या पं लिनाच्‍वंगु दु धकाः जिं स्‍यू। थुकथं छं थःगु व थःत बुइकूम्‍ह मांयागु बेइज्‍जत याःगु दु।

१ शमूएल 22:13

शाऊलं वयात धाल, “छ व यिशैया काय्‌नं जिगु विरोधय् छाय् मखुगु ज्‍या यायेगु ग्‍वसाः ग्‍वयागु? छं वयात नयेगु नसा व तरवार नं बिल हँ, वयागु पंलिनाः परमेश्‍वरनापं सल्‍लाह नं काल हँ। व जिगु विरोधय् दंगु दु अले आः थौं व जितः स्‍यायेत स्‍वयाच्‍वंगु दु।”

१ शमूएल 22:9

तर शाऊलया भारदारतय् दथुइ दनाच्‍वंम्‍ह एदोमी दोएगं धाल, “जिं यिशैया काय्‌यात नोबय् अहीतूबया काय् अहीमेलेकयाथाय् वयाच्‍वंगु खना।

१ शमूएल 25:10

नाबालं दाऊदया मनूतय्‌त थथे लिसः बिल, “दाऊद सु खः? थ्‍व यिशैया काय् धाःम्‍ह सु खः? थौंकन्‍हय् अप्‍वः यानाः दासत थः मालिकपाखें बिस्‍युं वनाच्‍वंगु दु।