१ शमूएल 22:3 - नेवाः बाइबल

³ अनं दाऊद मोआबया मिस्‍पाय् वनाः मोआबया जुजुयात बिन्‍ति यात “परमेश्‍वरं जिगु निंतिं छु यानादी व मस्‍युतले दया यानाः जिमि मां-बौयात छिगु हे शरणय् तयादिसँ।”

१ शमूएल 22:3 ပူးပေါင်းရင်းမြစ်များ

उत्‍पत्ति 47:11

योसेफं फारों धाःथें थः बौ व दाजुकिजापिन्‍त रामसेस धाःथाय् च्‍वंगु मिश्रया दक्‍वसिबय् भिंगु व बांलाःगु थाय् बियाः तल।

२ शमूएल 8:2

दाऊदं मोआबीतय्‌त नं बुकल, अले इमित बँय् द्यंकेबिल। अले इमित छपु खिपतं नापय् यात। स्‍यायेत खिपतं निक्‍वः नापय् यात, मस्‍यासे म्‍वाकातयेत खिपतं स्‍वक्‍वः नापय् यात। थुकथं मोआबीत वयागु अधीनय् च्‍वनाः कर पुलिपिं जुल।

प्रस्‍थान 20:12

“छिमिसं थः मां-बौयात हनाबना या। अले परमेश्‍वरं छिमित बीत्‍यंगु देशय् छिपिं ताःईतक म्‍वाइ।

१ तिमोथी 5:4

काय्‌म्‍ह्याय्‌पिं व छय्‌पिं दुम्‍ह भाःत मदय्‌ धुंकूपिं मिसातय्‌गु सुसाःकुसाः वया काय्‌म्‍ह्याय्‌पिं व छय्‌पिन्‍त हे याकेब्‍यु। इमिसं थःगु छेँय् निं धर्म याये सय्‌के ब्‍यु, अले मांबौयागु त्‍यासा पुले ब्‍यु, छाय्‌धाःसा परमेश्‍वर थज्‍याःगु ज्‍यां लय्‌तायादी।

न्‍यायकर्ता 11:29

अले परमप्रभुयागु आत्‍मा यिप्‍तायाके वल, अले व गिलाद व मनश्‍शे जुयाः गिलादया मिस्‍पां दुहां वनाः अम्‍मोनीतलिसें ल्‍वायेत न्‍ह्यज्‍यात।

रुथया सफू 4:10

जिं महलोनया कलाः मोआबी रुथयात नं सी धुंकूम्‍ह मनूया सम्‍पत्तिनापं वयागु नां तया तयेत वयागु नां वया थःथितितय्‌गु दथुइ वा शहरया धलखय् दयाच्‍वनेमा धकाः जिं कलाःकथं कयागु दु।”

रुथया सफू 4:17

वया जःलाखःलातय्‌सं धाल, “नाओमीया छम्‍ह काय् दत। झीसं वयागु नां ओबेद धकाः तयेनु।” व हे यिशैया बौ व दाऊदया बाज्‍या खः।

१ शमूएल 14:47

शाऊलं इस्राएलय् शासन यानाच्‍वंबलय् वं प्‍यखेरं च्‍वंपिं शत्रुतनापं लडाइँ यात। वं मोआबीत, अम्‍मोनीत, एदोमीत, सोबाया जुजुपिं व पलिश्‍तीतनापं लडाइँ यात। गन गन वं लडाइँ यात अन अन वं इमित बुकल।

१ शमूएल 22:2

कष्‍टय् लाःपिं, धिबा पुलेमानिपिं व चित्तबुझय् मजूपिं मनूत प्‍यसःति वयाथाय् मुन अले व इमि नायः जुल।

१ शमूएल 22:4

अले दाऊदं थः मां-बौयात मोआबया जुजुया लाय्‌कुलिइ हे त्‍वःताथकल। व सुरक्षित थासय् सुलाच्‍वंबलय् इपिं मोआबयाम्‍ह जुजुया लाय्‌कुलिइ च्‍वनाच्‍वन।

१ शमूएल 3:18

अथे जुयाः शमूएलं वयात छुं नं खँ सुमचुकूसे फुक्‍क खँ धयाबिल, अले एलीं धाल, “वय्‌कः परमप्रभु खः। वय्‌कःयात छु भिं ताल व हे यानादीमा।”