१ शमूएल 22:2 - नेवाः बाइबल

² कष्‍टय् लाःपिं, धिबा पुलेमानिपिं व चित्तबुझय् मजूपिं मनूत प्‍यसःति वयाथाय् मुन अले व इमि नायः जुल।

१ शमूएल 22:2 ပူးပေါင်းရင်းမြစ်များ

२ शमूएल 17:8

छिसं हे धयादिसँ, छपिनि अबु दाऊद व वया सिपाइँत तसकं बल्‍लाःपिं खः। इपिं ला थः मचा लाका यंकूम्‍ह मिसाम्‍ह भालू थें ग्‍यानापुसे च्‍वंगु दु। छिकपिनि अबु सःस्‍यूम्‍ह तसकं बल्‍लाःम्‍ह सिपाइँ खः। चान्‍हय् व थः मनूतनापं द्यनी मखु।

२ शमूएल 5:2

न्‍हापा शाऊल जुजु जुयाच्‍वंबलय् नं छि लडाइँलय् जिमि सिपाइँतय् न्‍ह्यलुवाः जुयादीगु खः। अले परमप्रभुं छितः थथे धयादिल, ‘छ जिम्‍ह मनूतय् जवाः व शासक जुइ।’”

२ राजा 20:5

“लिहां वनाः जिमि प्रजाया नायः हिजकियायात थथे धा, ‘छिमि तापाबाज्‍या दाऊदया परमप्रभु परमेश्‍वरं थथे धयादी, जिं छंगु प्रार्थना न्‍यनेधुन, जिं छंगु ख्‍वःबि खनागु दु। स्‍व! जिं छन्‍त लाय्‌काबी। कंस छ परमप्रभुया देगलय् वने फइ।

२ राजा 4:1

अगमवक्तातय् पुचःयाम्‍ह छम्‍हय्‌सिया कलातं एलीशायात चिल्‍लाय् दनाः थथे धाल, “छिकपिनि दास जिमि भाःत सित। वय्‌कः परमप्रभुयात तसकं मानय् याइम्‍ह धकाः ला छिं सी हे स्‍यू। तर वय्‌कलं ध्‍यबा पुलेमाःम्‍ह छम्‍ह मनू जिमि निम्‍ह काय्‌पिन्‍त दास दय्‌केत काःवयाच्‍वंगु दु।”

हितोपदेश 31:6

अय्‌लाः धयागु ला दुःखं कयाः सीत्‍यंपिनिगु निंतिं खः, अले नुगः मछिंपिनिगु निंतिं खः।

मत्ती 11:12

बप्‍तिस्‍मा बीम्‍ह यूहन्‍नां भिंगु खँ न्‍यंकूसांनिसें स्‍वर्गयागु राज्‍यय् दुहां वनेत मनूतय्‌सं धित्तुधिनाः जुल। थुकथं इमि दथुइ धेंधेंबल्‍लाः जुल।

मत्ती 11:28

“कु क्‍वबिया त्‍यानुचाःपिं फुक्‍कं जिथाय् झासु लंकः वा, जिं छिमित आराम बी।

हिब्रू 2:10

सृष्‍टि यानादीम्‍ह व न्‍ह्याकादीम्‍ह परमेश्‍वरं थः मस्‍ततय्‌त मुक्ति बीत थथे थःकाय्‌यात दुःखकष्‍ट सीके बियादीगु पाय्‌छि जू। अले मुक्ति बीम्‍ह वय्‌कः हे जक खः।

न्‍यायकर्ता 11:3

अथे जूगुलिं थः दाजुकिजाया ल्‍हातं बचय् जुइत यिप्‍ता तोब देशय् च्‍वंवन। अले वं छपुचः ज्‍यालगय् मजूपिं मनूत मुंकल, इपिं वलिसें चाःहिलाः जुइगु जुल।

न्‍यायकर्ता 18:25

दान कुलयापिन्‍सं वयात धाल, “जिपिंलिसें हाले मते, मखुसा छुं तंगुलु मनूतय्‌सं छिमित हमला याइ अले छ व छिमि परिवार सिनावनेमाली।”

१ शमूएल 1:10

हन्‍नाहं ख्‍वख्‍वं तसकं दुःखी जुयाः परमप्रभुयात प्रार्थना यात।

१ शमूएल 22:3

अनं दाऊद मोआबया मिस्‍पाय् वनाः मोआबया जुजुयात बिन्‍ति यात “परमेश्‍वरं जिगु निंतिं छु यानादी व मस्‍युतले दया यानाः जिमि मां-बौयात छिगु हे शरणय् तयादिसँ।”

१ शमूएल 23:13

अथे जुयाः दाऊद व वया खुसः ति मनूत कीलाह त्‍वःतावन। अले इपिं छगू थासं मेगु थासय् चाःहिला जुल। दाऊद कीलाह त्‍वःता वंगु खबर न्‍यनाः शाऊल थःगु योजनाकथं अनं न्‍ह्यांमवन।

१ शमूएल 25:13

दाऊदं थः मनूतय्‌त धाल, “सकसिनं थथःगु तरवार ज्‍वँ।” इपिं सकसिनं थथःगु तरवार जँय् चित अले दाऊदं नं थःगु तरवार जँय्‌ चित। प्‍यसःति मनूत दाऊदया ल्‍यूल्‍यू वन अले निसःति मनूत धाःसा सामान स्‍वयेत च्‍वन।

१ शमूएल 30:6

अनंलि थथःपिनि काय्‌म्‍ह्याय् व ज्‍वनायंकूगुलिं दाऊदया मनूतय्‌सं तं पिकयाः दाऊदयात ल्‍वहंत कय्‌केगु ख्‍याच्‍वः बिल। अले दाऊदयात वयाये थ्‍वयाये मन्‍त। तर परमप्रभु थः परमेश्‍वरपाखें जक दाऊदयात बल दत।

१ शमूएल 9:16

“जिं कन्‍हय् थ्‍व हे इलय् बेन्‍यामीनया लागां छम्‍ह मनू छ्वयाहये। वयात हे छं जिमि प्रजा इस्राएलया निंतिं जुजु अभिषेक या। वं जिमि प्रजातय्‌त पलिश्‍तीतय्‌गु ल्‍हातं त्‍वःतका हइ। जिं जिमि प्रजायागु दुःख खनागु दु छाय्‌धाःसा इमिगु ख्‍वःसः जिथाय् थ्‍यंगु दु।”