१ शमूएल 21:7 - नेवाः बाइबल

⁷ शाऊलया दासत मध्‍ये सुं छम्‍ह नं उखुन्‍हु अन परमप्रभुया न्‍ह्यःने च्‍वनाच्‍वंगु खः। वयागु नां एदोमी दोएग खः। व शाऊलया फैजवाःतय् मूम्‍ह नायः खः।

१ शमूएल 21:7 ပူးပေါင်းရင်းမြစ်များ

उत्‍पत्ति 26:20

अले गरारय् च्‍वंपिं फैजवाःत इसहाकया जवाःतलिसें, “थ्‍व जिमिगु लः खः” धकाः ल्‍वाः वल। उकिं व बुंगाःचिगु नां “ल्‍वापु” धकाः च्‍वन।

१ इतिहास 27:29

शारोनया ख्‍यलय् च्‍वंपिं सा-द्वहंत शारोनी शित्रैया जिम्‍माय् खः। ब्‍यासिइ च्‍वंपिं सा-द्वहंत अदलैया काय् शाफातया जिम्‍माय् खः।

१ इतिहास 27:31

फैच्‍वलय् हग्री याजीजया जिम्‍माय् खः। दाऊद जुजुया थःगु सम्‍पत्ति थुपिं हे हाकिमतय्‌गु जिम्‍माय् खः।

२ इतिहास 26:10

वयाके क्‍वय् लाःगु इलाकाय् व चक्‍कंगु ख्‍यलय् यक्‍व सा द्वहं दुगुलिं वं मरुभूमिइ नं धरहरात दय्‌कल, अले लः मुंका तयेगु यक्‍व गाः म्‍हुल। वयात बुँज्‍या यः, अले वं मनूतय्‌त डाँडा डाँडाय् दाखक्‍यब दय्‌केत व यक्‍वः सइगु बुँइ बुँज्‍या यायेत हपाः बीगु।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

लेवी 22:10

“‘पुजाहारी परिवारया मखुम्‍ह मनुखं पवित्र वस्‍तु मनयेमा। व पुजाहारीया पाहां जूसां वा ज्‍यालाय् ज्‍या याइम्‍ह मनू जूसां वं पवित्र वस्‍तु मनयेमा।

लेवी 22:13

तर पुजाहारीया म्‍ह्याय्‌या भाःत सीत धाःसा, वा भाःतं त्‍वःतकाः च्‍वम्‍ह जूसा अले व मचाखाचा मदयाः ब्‍याहा जुइ न्‍ह्यः थें थःछेँ च्‍वनाच्‍वंसा थः बौयागु नयेगु नसां नये ज्‍यू। तर पुजाहारी परिवार व वया दासपिन्‍सं बाहेक मेपिं सुनानं उकिं नये मज्‍यू।

लेवी 24:5

“अले भिंगु छुचुं कयाः छं झिंनिपा मरि छु। छपा छपा मरिइ छगू एपाया झिब्‍वय् निब्‍व छुचुं दयेमाः।

लेवी 24:8

विश्रामबार पतिकं हारूनं न्‍हूगु मरि परमप्रभुया न्‍ह्यःने ब्‍वयातयेमाः। थ्‍व इस्राएलीतय्‌त न्‍ह्याबलेंया लागिं विधि खः।

आमोस 8:5

छिमिसं धाइ, “अमइया पवित्र दिं फुइन धकाः झीपिं लँच्‍वने फइ मखु, अले झीसं अन्‍न मि फइ। शबाथ गुबलय् क्‍वचाइ धकाः पियाच्‍वने फइ मखु, अले झीसं छ्व मि फइ।” माना चिग्‍वः व ढक झ्‍यातुक यानाः जिमिसं मखुगु तराजु चले यानाः थगय् याये फइ।

मत्ती 15:8

“‘थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापाना च्‍वनी।

१ शमूएल 11:5

शाऊल धाःसा बुं द्वहं ज्‍वनाः वयाच्‍वंगु खः। अले शाऊलं न्‍यन, “मनूतय्‌त छु जुल? छाय् फुक्‍क मनूत ततःसलं ख्‍वया हयाः च्‍वंगु?” अले याबेशपाखें खबर बीत वःपिं मनूतय्‌सं न्‍यंकूगु खबर फुक्‍क शाऊलयात धयाबिल।

१ शमूएल 14:47

शाऊलं इस्राएलय् शासन यानाच्‍वंबलय् वं प्‍यखेरं च्‍वंपिं शत्रुतनापं लडाइँ यात। वं मोआबीत, अम्‍मोनीत, एदोमीत, सोबाया जुजुपिं व पलिश्‍तीतनापं लडाइँ यात। गन गन वं लडाइँ यात अन अन वं इमित बुकल।

१ शमूएल 21:8

दाऊदं अहीमेलेकयात धाल, “छुं छिके भाला व तरवार दु ला? जिगु थःगु हे तरवार वा मेगु सामान ल्‍हातय् मदु छाय्‌धाःसा जुजुं हुकुम बियादीगुलिं जि हथाय् चाचां वया।”

१ शमूएल 22:10

अहीमेलेकं वयागु पंलिनाः परमप्रभुनापं सल्‍लाह फ्‍वन। अनंलि वं नयेगु नसा व पलिश्‍ती गोल्‍यतया तरवार नं दाऊदयात बिल।”

१ शमूएल 22:22

अले दाऊदं वयात धाल, “उखुन्‍हु एदोमी दोएग अन हे च्‍वनाच्‍वंगु खः अले वं शाऊलयात फुक्‍क खँ धयाबी धकाः जिं स्‍यू। छं बौया फुक्‍क छेँजःपिं स्‍यूगुया कारण जि हे जुल।

१ शमूएल 22:9

तर शाऊलया भारदारतय् दथुइ दनाच्‍वंम्‍ह एदोमी दोएगं धाल, “जिं यिशैया काय्‌यात नोबय् अहीतूबया काय् अहीमेलेकयाथाय् वयाच्‍वंगु खना।