१ शमूएल 20:7 - नेवाः बाइबल

⁷ छुं जुयाः वय्‌कलं ‘व पाय्‌छि जू’ धकाः धाल धाःसा छिकपिनि दास बचय् जुइ। तर वय्‌कः तसकं तंम्‍वल धाःसा जिगु निंतिं भिं बिचाः याःगु मदु धकाः छिं सीकादिसँ।

१ शमूएल 20:7 ပူးပေါင်းရင်းမြစ်များ

२ शमूएल 17:4

थ्‍व सल्‍लाह अब्‍शालोम व इस्राएली थकालितय्‌त बांलाः ताल।

एस्‍तर 7:7

उकिं जुजु तसकं तंम्‍वयाः दाखमद्य त्‍वनाच्‍वंगु त्‍वःताः जुरुक्‍क दनाः दरबारया तःधंगु क्‍यबय् वन। तर हामानं आः ला जितः सजाँय बीत जुजुया मनय् पक्‍का याये धुंकल धकाः थुइकल। अथे जुयाः थःगु प्राणया रक्षाया निंतिं इनाप यायेत एस्‍तर रानीया न्‍ह्यःने दनाच्‍वन।

व्‍यवस्‍था 1:23

थ्‍व खँ जितः यल। अले जिं फुक्‍क कुलं छम्‍ह छम्‍ह यानाः झिंनिम्‍ह मनूत ल्‍यया।

१ शमूएल 20:33

तर थ्‍व खँ न्‍यनाः शाऊलं थःगु भाला ल्‍ह्वनाः काय्‌यात कय्‌काछ्वत। अले थः बौनं दाऊदयात पक्‍का हे स्‍यायेत स्‍वयाच्‍वंगु खः धकाः सीकल।

१ शमूएल 20:9

जोनाथनं धाल, “अथे मखु! जिमि बौनं छिगु मभिं यायेगु मति तःगु दु धइगु जिं स्‍यूगु जूसा छन्‍त मधाइ ला?”

१ शमूएल 25:17

आः छु यायेमाःगु खः छिं बांलाक बिचाः यानादिसँ छाय्‌धाःसा झी मालिक व वया परिवारय् पक्‍का हे नाश वयेत्‍यंगु दु। व तसकं लुच्‍चाम्‍ह मनू खः व नापं ला सुं नं मनू खँ तक नं ल्‍हाइ मखु।”