१ शमूएल 20:3 - नेवाः बाइबल

³ तर दाऊदं धाल, “छितः जि गुलि यः धकाः छिकपिनि बौनं स्‍यू, छिकपिनि बौनं थःगु मनय् थथे धाःगु दु, ‘थ्‍व खँ जोनाथनं मसीमा, मखुसा व दुःखी जुइ।’ धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिगु मृत्‍यु न्‍ह्यःने थ्‍यंकः वःगु दु।”

१ शमूएल 20:3 ပူးပေါင်းရင်းမြစ်များ

२ शमूएल 15:21

तर इत्तैनं जुजुयात लिसः बिल, “धात्‍थें परमप्रभु म्‍वाःम्‍ह खः थें, अले जिमि मालिक महाराज म्‍वाःम्‍ह खः थें, छःपिं गन गन च्‍वनादी, जि म्‍वायेमा वा सीमा छःपिनि दास नं अन हे दइ।”

२ राजा 2:2

एलियां एलीशायात धाल, “छ थन हे च्‍वँ, परमप्रभुं जितः बेथेलय् छ्वयादीगु दु।” तर एलीशां धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं पाफयाः धाये जिं छितः त्‍वःते हे मखु।” अले इपिं निम्‍हनापं क्‍वय् बेथेलय् वन।

२ राजा 2:4

अनंलि एलियां एलीशायात धाल, “छ थन हे च्‍वँ, परमप्रभुं जितः यरीहोय् छ्वयादीगु दु।” तर एलीशां धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” अले उपिं निम्‍हनापं यरीहोय् वन।

२ राजा 2:6

अले एलियां वयात धाल, “थन हे च्‍वँ, परमप्रभुं जितः यर्दन खुसिइ छ्वयादीगु दु।” तर हाकनं एलीशां लिसः बिल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” उकिं इपिं निम्‍हं न्‍यासि वना हे च्‍वन।

भजनसंग्रहया सफू 116:3

कालया खिपतं जितः ततमतःक्‍यंकल। अले चिहानया सास्‍ती जिके वल। दुःख व संकटं जितः त्‍वपुल।

यर्मिया 38:16

तर जुजु सिदकियाहं मेपिन्‍सं मसीक यर्मियालिसें थथे धकाः पाफल, “झीत सासः बियादीम्‍ह परमप्रभु गथे धात्‍थें म्‍वाःम्‍ह खः, जिं छन्‍त स्‍याये मखु, न त छन्‍त स्‍यायेत स्‍वःपिं मनूतय्‌गु ल्‍हातय् छन्‍त बिइगु जुइ।”

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

व्‍यवस्‍था 28:66

छिमिगु जीवन अलमल जुया तुं च्‍वनी, छिपिं चान्‍हि थरथर खानाच्‍वनी, छिमिगु जीवनया छुं भलसा दइ मखु।

व्‍यवस्‍था 6:13

छिमिसं परमप्रभु छिमि परमेश्‍वरयागु ग्‍याःभय का, वय्‌कःयागु जक सेवा या अले वय्‌कःया हे नामय् पाफयेगु या।

हिब्रू 6:16

मनूतय्‌सं थः स्‍वयाः तःधंम्‍हय्‌सिगु नामय् पा फइ। अले थःगु द्वंबिद्वं नं भिंकी।

१ शमूएल 1:26

हन्‍नाहं वयात धाल, “हे जिमि प्रभु, गथे छि म्‍वाम्‍ह खः अथे हे छिगु न्‍ह्यःने दनाः परमप्रभुयात प्रार्थना यानाः वयाच्‍वनाम्‍ह मिसा जि हे खः।

१ शमूएल 17:55

शाऊलं दाऊद गोल्‍यत नापं ल्‍वायेत वंबलय् थः सेनापति अबनेरयात न्‍यन, “अबनेर, व ल्‍याय्‌म्‍ह मचा सुया काय् खः?” अबनेरं धाल, “महाराज! छसपोल सदां म्‍वानादीमा! जिं मस्‍यू।”

१ शमूएल 20:2

जोनाथनं लिसः बिल, “थथे मजुइमा! छि सी मखु। जितः मन्‍यंसे जिमि बौनं छुं यानादी मखु धकाः जिं सी हे स्‍यू। अले थ्‍व खँ जिमि बौनं छाय् सुपिका तइ लय्? थ्‍व खँ सत्‍य मखु।”

१ शमूएल 20:4

जोनाथनं दाऊदयात धाल, “छितः छु याःसा यः जिं छिगु निंतिं व हे याये।”

१ शमूएल 25:26

“आः हे जिमि प्रभु, ल्‍वापु ख्‍याःपु यानाः हि हायेकेगु व बदला कायेगु खँय् छितः परमप्रभुं पनादीगु दु। धात्‍थें परमप्रभु छिकपिनि परमेश्‍वर म्‍वाःम्‍ह खः थें, अले छि म्‍वाःम्‍ह खः थें, जिं धाये, छपिनि शत्रुतय्‌गु व छिकपिनिगु नाश जुइगु यय्‌कीपिनिगु गति नाबालया थें हे जुइमा।

१ शमूएल 27:1

दाऊदं थथे बिचाः यात, “छन्‍हु ला छन्‍हु शाऊलं जितः स्‍या हे स्‍याइतिनि। अथे जुयाः पलिश्‍तीतय्‌गु लागाय् बिस्‍युं वनेगु हे जितः बांलाइ। अले शाऊलं जितः इस्राएलय् दक्‍व थासय् मालेगु त्‍वःती। थुकथं जि वयागु ल्‍हातं बचय् जुइ।”