१ शमूएल 20:16 - नेवाः बाइबल

¹⁶ जोनाथनं दाऊदया वंशनापं थुकथं बाचा चित, “परमप्रभुं दाऊदया फुक्‍क शत्रुतय्‌त सजाँय बियादीमा।”

१ शमूएल 20:16 ပူးပေါင်းရင်းမြစ်များ

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

२ शमूएल 21:8

तर जुजुं अय्‌याया म्‍ह्याय् रिश्‍पां शाऊलपाखें बुकूपिं निम्‍ह काय् आरमोनी व मपीबोशेत, अले शाऊलया म्‍ह्याय् मेराबं महोलाती बर्जिल्‍लैया काय् अद्रीएलपाखें बुकूपिं न्‍याम्‍ह काय्‌पिं काल।

यर्मिया 40:9

शापानया छय्, अहीकामया काय् गदल्‍याहं इपिं व इमि मनूतय्‌त साहस बीत पाफयाः थथे धाल, “बेबिलोनीतय्‌गु सेवा यायेत ग्‍याये मते। देशय् च्‍वनाः बेबिलोनयाम्‍ह जुजुया सेवा या! छिमिगु भिं जुइ।

व्‍यवस्‍था 23:21

छिमिसं परमप्रभु छिमि परमेश्‍वरया निंतिं भाकल याये धुंकाः व पूवंकेत लिबाके मते। छाय्‌धाःसा वय्‌कःयात व पूवंकूगु स्‍वये यः, मखुसा छिमित पाप लाइ।

यहोशू 22:23

परमप्रभुया ल्‍यू वनेगु त्‍वःताः जिमिसं थःगु निंतिं होमबलि वा अन्‍नबलि वा मेलबलि छायेत वेदी दय्‌काःगु दुसा, परमप्रभु थःम्‍हं हे जिमित सजाँय बियादीमा।

१ शमूएल 18:3

जोनाथनं दाऊदयात थःत थें हे मायायाःगुलिं जोनाथनं दाऊदनापं छगू बाचा चित।

१ शमूएल 20:42

अनंलि जोनाथनं दाऊदयात धाल, “याउँक हुँ, छ व जि अले छिकपिनि सन्‍तान व जिमि सन्‍तानया दथुइ सदां साक्षी जुयादीम्‍ह परमप्रभुया नामं झीसं बाचा चिनागु दु।” अले दाऊद याकनं हे अनं वन, जोनाथन धाःसा शहरय् तुं लिहां वन।

१ शमूएल 22:8

अथे जुयाः छिपिं सकलें मिलय् जुयाः जिगु विरोधय् मभिंगु ज्‍याया ग्‍वसाः ग्‍वयागु ला? अय्‌नं जिमि काय्‌नं यिशैया काय्‌लिसें बाचा च्‍यूगु खँ छिपिं सुनानं जितः मधाः। छिपिं सुनानं जिगु वास्‍ता हे मयाः। जिमि हे काय्‌नं जि थः हे दासयात जिगु विरोधय् यंकाः थौं जितः स्‍यायेत पिवाः तय्‌कातल, अय्‌नं छिमिसं जितः छुं मधाः।”

१ शमूएल 23:18

थुपिं निम्‍हय्‌सिनं परमप्रभुया न्‍ह्यःने थःथवय् स्‍वापु तयाः पवित्र बाचा चीत। अले जोनाथन थःगु छेँ लिहां वन दाऊद धाःसा होरेशय् तुं च्‍वन।

१ शमूएल 25:22

कन्‍हय् सुथय् तक व नापं दुपिं छम्‍ह जक मिजंत म्‍वानाच्‍वन धाःसा परमेश्‍वरं जितः कडा सजाँय बियादीमा।”

१ शमूएल 25:26

“आः हे जिमि प्रभु, ल्‍वापु ख्‍याःपु यानाः हि हायेकेगु व बदला कायेगु खँय् छितः परमप्रभुं पनादीगु दु। धात्‍थें परमप्रभु छिकपिनि परमेश्‍वर म्‍वाःम्‍ह खः थें, अले छि म्‍वाःम्‍ह खः थें, जिं धाये, छपिनि शत्रुतय्‌गु व छिकपिनिगु नाश जुइगु यय्‌कीपिनिगु गति नाबालया थें हे जुइमा।

१ शमूएल 31:2

पलिश्‍तीतय्‌सं शाऊल व वया काय्‌पिन्‍त लित्तुलित, अले वया स्‍वम्‍ह काय्‌पिं जोनाथन, अबीनादाब व मल्‍कीशूअयात स्‍यानाबिल।