१ शमूएल 2:5 - नेवाः बाइबल

⁵ गाक्‍क दुपिं नसाया निंतिं ज्‍यामि ज्‍या यानाः जुइमाली, बरु नये मखंपिनि धाःसा गुबलें नये मास्‍ति वइ मखु। थारिम्‍ह मिसां न्‍हय्‌म्‍ह मचा बुइकूगु दु। अय्‌नं यक्‍वसिया मांयाके छम्‍ह नं मचा मदु।

१ शमूएल 2:5 ပူးပေါင်းရင်းမြစ်များ

भजनसंग्रहया सफू 113:9

वय्‌कलं थारिम्‍ह मिसायात वयागु हे छेँय् इज्‍जत बियादी, वय्‌कलं वयात मचाखाचा बियाः लय्‌ताय्‌कादी। हल्‍लेलूयाह!

भजनसंग्रहया सफू 34:10

बल्‍लाःपिं सिंहत नये मखनाः गंसि जुइ तर परमप्रभुयात विश्‍वास याइपिन्‍त भिंगु छुं हे खँया मगाःमचाः जुइ मखु।

यशैया 33:9

देशं विलाप याइ अले झिजांमिजां दनि। लेबनान लाजय् लाइ अले सुकूगनावनी। शारोन अराबा थें जुइ। बाशान व कर्मेलं थःगु हःत कुर्का हइ।

यशैया 54:1

“हे यरूशलेम, थारिम्‍ह मिसा, म्‍ये हा गुबलें मचा बुइके मनंम्‍ह मिसा, मचाबू ब्‍यथाय् गुबलें मलाःम्‍ह, लय्‌लय्‌तातां हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु,” परमप्रभुं धयादी।

यर्मिया 15:9

न्‍हय्‌म्‍ह काय् म्‍ह्याय्‌पिनि मां मुर्छ्या जुयाः सी। न्‍हिनय् हे वयागु सूर्य बिनावनी। वयागु बेइज्‍जत जुइ, अले व लज्‍याय् लाइ। इमि तरवारं बचय् जूपिन्‍त धाःसा जिं इमि शत्रुतय्‌गु न्‍ह्यःने तरवारं स्‍याके बी,” परमप्रभुं धयादी।

लूका 1:53

वय्‌कलं नये मखंपिन्‍त साःसाःगु लुधंक नकादिल। तःमिपिन्‍त खालि ल्‍हातं लिछ्वयादिल।

लूका 16:25

“अब्राहामं वयात धाल – ‘काय्, म्‍वाना च्‍वंतले छं भिंगु भिंगु व बाबांलाःगु काये खन, लाजरसयाके धाःसा अबलय् छुं हे मदु, वं यक्‍व दुःखसिया वल। आः लाजरसयात सुख जुल, अले छं सास्‍ती नया च्‍वनेमाली।

गलाती 4:27

धर्मशास्‍त्रय् नं थथे च्‍वयातःगु दु – “हे मचा बुइकिमखुम्‍ह थारिम्‍ह लय्‌ताया च्‍वँ, मचा बुइकेबलय् गुलि दुःख जुइ धकाः मस्‍यूम्‍ह नुगः चाय्‌काः हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु।”

रुथया सफू 4:15

थ्‍व मचा छितः न्‍हूगु जीवन बीम्‍ह व छि बुरा जुइबलय् छितः स्‍वइम्‍ह जुइ। छाय्‌धाःसा न्‍हय्‌म्‍ह काय्‌पिं स्‍वयाः भिंम्‍ह, छितः माया याइम्‍ह भौनं थ्‍व मचा बुइकूगु खः।”

१ शमूएल 1:20

थुकथं हन्‍नाहया प्‍वाथय् दत अले वं छम्‍ह काय् बुइकल। वं वयागु नां शमूएल तल, अले धाल, “छाय्‌धाःसा जिं थ्‍वयात परमप्रभुयाके फ्‍वनागु खः।”

१ शमूएल 1:6

वया मचाखाचा मदुगुलिं हे हन्‍नाहया लिथुं वयात दुःख बीगु अले क्‍वह्यंकाः खँ ल्‍हाइगु खः।