१ शमूएल 2:26 - नेवाः बाइबल

²⁶ अले मचाम्‍ह शमूएल परमप्रभु व मनूतय्‌गु दया मायां ब्‍वलना वन।

१ शमूएल 2:26 ပူးပေါင်းရင်းမြစ်များ

उत्‍पत्ति 39:4

उकिं व खनाः व लय्‌ताल। अले वं वयात थःगु छेँय् ज्‍या याइपिनि नायः यानाबिल। वं थःगु छेँया फुक्‍क जिम्‍मा नं वयात हे बिल।

हितोपदेश 3:3

भक्ति व विश्‍वास गुबलें त्‍वःते मते। थुमित थःगु गःपतय् घाना ति, अले नुगलय् च्‍वयाति।

हितोपदेश 3:4

अले परमेश्‍वर व मनूतय्‌सं छन्‍त यय्‌की। अले इमिगु मिखाय् छंगु नां जाइ।

लूका 1:80

व मचा आत्‍मा व म्‍ह निताय् नं बल्‍लानाः तःधिकः जुयावल। इस्राएलीतय्‌थाय् वनाः न्‍यंकेगु ज्‍या मयातले व मरुभूमिइ हे च्‍वनाच्‍वन।

लूका 2:40

मचा तःधिकः जुयावल। बुद्धिं नं जायावल, अले परमेश्‍वरं नं वय्‌कःयात आशिष बियादीगु दु।

लूका 2:52

वय्‌कः मनूतय्‌गु व परमेश्‍वरयागु दया मायां झन झन तःधिकः जुयाः बुद्धिं जायावल।

प्रेरित 2:47

थुकथं इमिसं परमेश्‍वरयात तःधंका च्‍वन। मनूतय्‌सं नं इमित मानय् या। अले उद्धार जूपिन्‍त प्रभुं न्‍हिं न्‍हिं इमिगु पुचलय् तना बियादिल। थुकथं इपिं अप्‍वः दयावन।

रोमी 14:18

थुकथं ख्रीष्‍टयागु सेवा यानाजुइम्‍ह मनूयात परमेश्‍वरं स्‍याबास बियादी, अले वं थथे याना जूगु खनाः मनूतय्‌सं नं थ्‍व भिंम्‍ह मनू खः धकाः धाइ।

न्‍यायकर्ता 13:24

व मिसां छम्‍ह काय् बुइकल अले वयागु नां शिमशोन तल। व मचा ब्‍वलना वन अले परमप्रभुं वयात आशिष बियादिल।

१ शमूएल 2:21

परमप्रभुं हन्‍नायात सुवाः बियादिल अले वं स्‍वम्‍ह काय् व निम्‍ह म्‍ह्याय् बुइकल। उखे मचाम्‍ह शमूएल परमप्रभुया न्‍ह्यःने च्‍वन्‍ह्यानावन।

१ शमूएल 3:19

शमूएल ब्‍वलना वन। परमप्रभु व नाप दी, अले वय्‌कलं यानादीगु अगमवाणी छगू नं सितिं मवं फुक्‍कं पूवंकादिल।