१ शमूएल 2:24 - नेवाः बाइबल

²⁴ थथे याये मज्‍यू जिमि काय्‌पिं! परमप्रभुया मनूतय्‌सं छिमिगु बारे धाःगु खँ तसकं बांमलाः।

१ शमूएल 2:24 ပူးပေါင်းရင်းမြစ်များ

१ राजा 15:26

नादाबं थः बौनं थें परमप्रभुं याये मते धकाः धयादीगु मभिंगु ज्‍या यात। वं थः बौ नं थें इस्राएलीतय्‌त पाप याकेत उक्‍सय् यात।

१ राजा 15:30

यारोबाम थःम्‍हं हे याःगु पाप व इस्राएलीतय्‌त याकेब्‍यूगु पापं यानाः परमप्रभु, इस्राएलया परमेश्‍वरयात तंचाय्‌कूगुलिं थथे जूगु खः।

२ राजा 10:31

तर येहूं दुनुगलंनिसें परमप्रभुया व्‍यवस्‍था पालन मयाः। इस्राएलयात पाप याकूम्‍ह यारोबामया पापं व लिहां मवः।

प्रस्‍थान 32:21

अनंलि मोशां हारूनयात धाल, “थुपिं मनूतय्‌सं छितः छु याःगु दु धकाः छिं थुमित थुलि तःधंगु पाप याके बियागु?”

मलाकी 2:8

छिपिं धाःसा परमप्रभुयागु लँपुइ वंगु मदु। छिमिगु शिक्षां यानाः यक्‍व मनूत पापय् लाये धुंकल। छिमिसं लेवीतलिसें याःगु बाचा त्‍वाःथूगु दु,” दक्‍व शक्ति दुम्‍ह परमप्रभुं धयादी।

मत्ती 18:7

“थ्‍व गुलि दुःखयागु खँ खः – संसारय् मनूतय्‌त स्‍यंकीगु खँ नं दु। थज्‍याःगु खँ दया हे च्‍वनी। अथेसां थथे स्‍यंकेत स्‍वइम्‍ह मनूयात धिक्‍कार दु।”

प्रेरित 6:3

अय्‌जूगुलिं दाजुकिजापिन्‍सं, छिपिं मध्‍ये नांजाःपिं, आत्‍मां जाःपिं व बुद्धिं जाःपिं न्‍हय्‌म्‍ह मनूयात ल्‍ययादिसँ। अले इमित नयेत्‍वनेगु ज्‍याय् तयाबी।

२ कोरिन्‍थी 6:8

जिमित तःधंकूसां, क्‍वह्यंकूसां, भिंकूसां, मभिंकूसां जिमिसं परमेश्‍वरयागु सेवा याना। सत्‍य खँ ल्‍हाना जूसां जिपिं फताहा थें जुइ माल।

१ तिमोथी 3:7

अले मण्‍डलीं पिने नं नांजाःम्‍ह जुइमाः, अथे जूसा जक वयात मनूतय्‌सं हेबाय्‌चबाय् याइ मखु, अले शैतानयागु जालय् नं लाइ मखु।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

३ यूहन्‍ना 1:12

फुक्‍क मनूतय्‌सं डेमेत्रियसयात भिं धकाः धाः। अले हानं वयागु चालचलनं नं व भिंम्‍ह मनू खः धकाः सीका धायेफु। व भिंम्‍ह मनू खः धकाः जिं नं धायेफु। जिं धयागु खँ सत्‍य खः धकाः छं स्‍यू।

प्रकाश 2:20

“अय्‌जूसां जिं धायेमाःगु छता खँ दु। थथःम्‍हं तुं अगमवादिनी खः धकाः धया जुइम्‍ह ईजेबेल धाःम्‍ह मिसायात छिमिसं छुं हे मधासे तया तल। जिमि दासतय्‌त व्‍यभिचार यायेगु व मूर्तियागु प्रसाद नयेगु खँ स्‍यनीम्‍हय्‌सित छिमिसं याःयाःथे याकातये ज्‍यू ला?

१ शमूएल 2:17

उपिं ल्‍याय्‌म्‍हपिं मनूतय्‌गु पाप परमप्रभुया न्‍ह्यःने तसकं अप्‍वयावन छाय्‌धाःसा इमिसं परमप्रभुयात छायेहःगु बलितय्‌त तसकं क्‍वह्यंकल।

१ शमूएल 2:22

आः ला एली तसकं बुरा जुइ धुंकल। थः काय्‌पिन्‍सं इस्राएलीतय्‌त याःगु व्‍यवहारया बारे व परमप्रभुया नापलायेगु पालया ध्‍वाखाय् सेवा याइपिं मिसात नापं द्यनिगु खँ तक नं एलीं सिल।

१ शमूएल 2:23

वं काय्‌पिन्‍त धाल, “छाय् छिमिसं थज्‍याःगु ज्‍या यानागु? छिमिसं तसकं मभिंगु ज्‍या याना जूगु दु धकाः जिं सकलें मनूतय्‌गुपाखें न्‍यनागु दु।