१ शमूएल 2:23 - नेवाः बाइबल

²³ वं काय्‌पिन्‍त धाल, “छाय् छिमिसं थज्‍याःगु ज्‍या यानागु? छिमिसं तसकं मभिंगु ज्‍या याना जूगु दु धकाः जिं सकलें मनूतय्‌गुपाखें न्‍यनागु दु।

१ शमूएल 2:23 ပူးပေါင်းရင်းမြစ်များ

१ राजा 1:6

वया बौम्‍हं वयात, “छं थथे छाय् यानागु” धकाः गुबलें ब्‍वःब्‍यूगु मदु। अदोनियाह नं छम्‍ह तसकं बांलाःम्‍ह मनू खः, व अब्‍शालोम स्‍वयाः लिपा बूम्‍ह खः।

यशैया 3:9

इमिगु दोष ख्‍वालं हे सी दु। सदोमया मनूतय्‌सं थें इमिसं थःगु पाप क्‍यना जुइ। इमिसं थुकियात सुचुका तइ मखु। धिक्‍कार इमित! इमिसं थःगु नाश थःम्‍हं हे हःगु दु।

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

प्रेरित 9:4

थथे जूगुलिं व बँय् भ्‍वसू वन। अले वयात थथे धयाहःगु सः ताये दत – “शाऊल, शाऊल, जितः छं छाय् दुःख बियाच्‍वनागु?”

फिलिप्‍पी 3:19

थज्‍याःपिं मनूत नाश जुयावनी। छाय्‌धाःसा प्‍वाः हे थुमिगु द्यः खः, लज्‍या चायेमाःगु खँय् नं थुमिसं घमण्‍ड याना जुइ। अले थुमिसं थ्‍व संसारयागु ज्‍याखँय् जक मन तया जुइ।

१ शमूएल 2:22

आः ला एली तसकं बुरा जुइ धुंकल। थः काय्‌पिन्‍सं इस्राएलीतय्‌त याःगु व्‍यवहारया बारे व परमप्रभुया नापलायेगु पालया ध्‍वाखाय् सेवा याइपिं मिसात नापं द्यनिगु खँ तक नं एलीं सिल।

१ शमूएल 2:24

थथे याये मज्‍यू जिमि काय्‌पिं! परमप्रभुया मनूतय्‌सं छिमिगु बारे धाःगु खँ तसकं बांमलाः।