१ शमूएल 2:22 - नेवाः बाइबल

²² आः ला एली तसकं बुरा जुइ धुंकल। थः काय्‌पिन्‍सं इस्राएलीतय्‌त याःगु व्‍यवहारया बारे व परमप्रभुया नापलायेगु पालया ध्‍वाखाय् सेवा याइपिं मिसात नापं द्यनिगु खँ तक नं एलीं सिल।

१ शमूएल 2:22 ပူးပေါင်းရင်းမြစ်များ

उत्‍पत्ति 35:22

याकूब अन हे च्‍वनाच्‍वंबलय् रूबेन थः बौया मथ्‍याःम्‍ह कलाः बिल्‍हालिसे द्यन। याकूबं थ्‍व खँ सिल। याकूबया झिंनिम्‍ह काय् दु –

उत्‍पत्ति 37:2

याकूबया खँ थथे दु – योसेफ झिंन्‍हय्‌दँ दुबलय् थः दाजुपिं लिसें फै-च्‍वलय् ज्‍वःवनीगु खः, उपिं थः चिरिमांपिं बिल्‍हा व जिल्‍पाया काय्‌पिं खः। छन्‍हु वं थः दाजुपिनिगु मभिंगु बानी थः बौयात कं वल।

प्रस्‍थान 38:8

बजलेलं नापलायेगु पालया ध्‍वाखाय् ग्‍वाहालि याइपिं मिसातय्‌सं ब्‍यूगु न्‍हाय्‌कनं कँय्‌यागु ल्‍हाः सिलेगु बाता व उकियागु लिधंसा दय्‌कल।

इजकिएल 22:26

वया पुजाहारीत जिगु व्‍यवस्‍थाया अःखतं वंगु दु अले जिगु पवित्र चिजत स्‍यंकूगु दु। इमिसं पवित्र व साधारणया दथुइ छुं मपाकु। इमिसं शुद्ध व अशुद्ध छुं मपाः धकाः स्‍यंगु दु। इमिसं जिगु विश्रामबार नं मानय् मयाः, इमिगु दथुइ जि अपमानित जूगु दु।

१ शमूएल 2:23

वं काय्‌पिन्‍त धाल, “छाय् छिमिसं थज्‍याःगु ज्‍या यानागु? छिमिसं तसकं मभिंगु ज्‍या याना जूगु दु धकाः जिं सकलें मनूतय्‌गुपाखें न्‍यनागु दु।

१ शमूएल 3:13

परमेश्‍वरया विरोधय् वयाः काय्‌पिन्‍सं पाप याःगु स्‍यूसां वं इमित मपंगुलिं वयागु परिवारं न्‍ह्याबलेंया निंतिं सजाँय फयेमाली धकाः जिं वयात न्‍हापा हे धयागु दु।

१ शमूएल 8:1

शमूएल बुरा जुल, अथे जुयाः वं थः काय्‌पिन्‍त इस्राएलया न्‍यायकर्ता दय्‌कल।