१ शमूएल 2:19 - नेवाः बाइबल

¹⁹ दँय्‌दसं वया मांनं वयागु निंतिं जामालं सुइगु अले थः भाःतनापं दँय्‌दसं बलि छायेत वनीबलय् शमूएलया निंतिं व यंकाबीगु खः।

१ शमूएल 2:19 ပူးပေါင်းရင်းမြစ်များ

प्रस्‍थान 23:14

“दँय् स्‍वक्‍वः छिमिसं जिगु निंतिं नखः हनेगु या।

प्रस्‍थान 28:31

“एपोदया दुने फीगु पुजाहारीया लं ब्‍याक्‍क वँचुगु कापःयागु सु।

१ शमूएल 1:21

एल्‍काना व वया परिवार दँय्‌दसं परमप्रभुयात बलि छाः वनीगु ई थ्‍यंकः वल। अले थःम्‍हं यानागु भाकल पूवंकेगु निंतिं थः परिवारनापं एल्‍काना परमप्रभुयात बलि छायेत थाहां वन।

१ शमूएल 1:3

एल्‍काना दँय्‌दसं दक्‍व शक्ति दुम्‍ह परमप्रभुया आराधना यायेत व बलि छायेत थःगु शहरं शीलोय् थाहां वनीगु खः। उबलय् अन एलीया निम्‍ह काय्‌पिं परमप्रभुया पुजाहारीत होप्‍नी व पीनहास दु।