१ शमूएल 2:14 - नेवाः बाइबल

¹⁴ अले फ्‍वसि वा कराई वा जःसि न्‍ह्यागु थलय् च्‍वंगु जूसां धुसुलिं तियाः वक्‍क ला पुजाहारीं यंकिगु याइ। शीलोमय् आराधना यायेत वःपिं फुक्‍क इस्राएलीतय्‌त इमिसं अथे हे व्‍यवहार याइगु खः।

१ शमूएल 2:14 ပူးပေါင်းရင်းမြစ်များ

यशैया 56:11

इपिं नये पित्‍याःपिं खिचात थें खः। इपिं गुबलें नये लुमधंपिं खः। इपिं मथूपिं जवाःत खः। इपिं फुक्‍क थथःगु हे लँपुइ जुयाच्‍वंगु दु। इमिसं थःत जक भिं यायेत स्‍वयाच्‍वनी।

लेवी 7:34

छाय्‌धाःसा इस्राएलीतय्‌गु मेलबलिं संकूगु ह्याकुला व खम्‍पा जिं छिमिके कयाः पुजाहारीतय्‌त इस्राएलीतय्‌गुपाखें न्‍ह्याबलेंया निंतिं बियागु दु।’”

मीका 3:3

छिमिसं जि प्रजाया ला नइगु, इमिगु छेंगू तुलीगु अले इमिगु क्‍वँय्‌त थलय् दय्‌केत कुचा कुचा यानाः त्‍वथुलीगु। इमिगु ला थलय् दय्‌केत कुचा कुचा याइगु।”

मलाकी 1:10

हाकनं दक्‍व शक्ति दुम्‍ह परमप्रभुं धयादी, “हे पुजाहारीत! छिमिसं जिगु वेदीइ ज्‍याख्‍यलय् मदुगु मि मच्‍याकेत छिपिं मध्‍ये छम्‍हय्‌सिनं देगःयागु लुखा तिना ब्‍यूसा ज्‍यूनि। जि छिपिं खना लय्‌मताः छिमिगु ल्‍हाःया देछा काये नं मखु।”

१ शमूएल 2:13

मनूनापं पुजाहारीतय्‌सं याना वयाच्‍वंगु थज्‍याःगु चलन दु – सुं मनुखं बलि छाये हइबलय् उकियागु ला दाय्‌कीबलय् पुजाहारीयात ग्‍वाहालि याइम्‍हय्‌सिनं धुसू ज्‍वनाः वइ,

१ शमूएल 2:15

तर आः दाः च्‍याके न्‍ह्यः पुजाहारीया ग्‍वाहालिमिं बलि छाइम्‍ह मनूयात थथे धाइगु, पुजाहारीया निंतिं दय्‌केत जितः छुं ला ब्‍यु, दाय्‌कातःगु ला वं काइ मखु, कचिगु जक काइ।

१ शमूएल 2:29

छाय् छिमिसं जि च्‍वनेगु थासय् जिं छा धकाः उजं बियागु बलित व देछायात क्‍वह्यंकागु? छाय् छं जितः स्‍वयाः थः काय्‌पिन्‍त अप्‍वः हनाबना यानागु? छाय्‌धाःसा जिमि प्रजा इस्राएलं छाय्‌हःगु ब्‍व नयाः छ व इपिं ल्‍ह्वंगु दु।’