१ शमूएल 2:1 - नेवाः बाइबल

¹ हन्‍नाहं थथे धकाः प्रार्थना यात, “परमप्रभुं जिगु मन तसकं लय्‌ताय्‌कादीगु दु, वय्‌कलं यानादीगु ज्‍या खनाः जि तसकं खुसी जुयागु दु। जि जिमि शत्रुतय् न्‍ह्यःने न्‍हिले, अले परमप्रभुं जितः ग्‍वाहालि यानादीगुलिं जि तसकं लय्‌तायागु दु।

१ शमूएल 2:1 ပူးပေါင်းရင်းမြစ်များ

२ इतिहास 20:27

अनंलि यहूदा व यरूशलेमयापिं फुक्‍क सिपाइँ यहोशापातयात न्‍ह्यःने तयाः लय्‌लय्‌तातां शहरय् लिहां वल, छाय्‌धाःसा परमप्रभुं इमि शत्रुतय्‌त बुकादीगु दु।

नहेम्‍याह 11:17

मीयकाया काय् मत्तन्‍याह, मीयका जब्‍दीया काय् खः। जब्‍दी आसापया वंशयाम्‍ह खः। व प्रार्थनाय् सुभाय् बीपिनि नायः खः। वया ग्‍वाहालिमित मध्‍ये निगूगु थाय् काइम्‍ह बक्‍बुक्‍याह, अले शम्‍मूअया काय् व गालालया छय् अब्‍दा। व यदूतूनया परिवारयाम्‍ह खः।

अय्‍यूब 16:15

जिगु म्‍ह त्‍वपुयेत जिं भांग्रा सुया, जिगु थःगु कपाः धुलय् थुना।

भजनसंग्रहया सफू 118:14

परमप्रभु जिगु शक्ति व भजन खः, जितः वय्‌कलं हे जक बचय् यानादिल।

भजनसंग्रहया सफू 13:5

जितः छिगु सदां दइगु दया मायाय् विश्‍वास दु, अले जि छिं बचय् यानादीगुलिइ लय्‌तायाच्‍वने।

भजनसंग्रहया सफू 148:14

वय्‌कलं थःगु देशयात बल्‍लाकादीगु दु, उकिं विश्‍वास यायेबहःपिं वय्‌कःयात तसकं यःपिं, इस्राएलया मनूतय्‌सं वय्‌कःया प्रशंसा याइ। हल्‍लेलूयाह।

भजनसंग्रहया सफू 18:2

परमप्रभु जिगु निंतिं ल्‍वहंधी थें खः, परमप्रभु जिगु किल्‍ला खः, जितः उद्धार याइम्‍ह खः। जिमि परमेश्‍वर जिगु निंतिं ल्‍वहंधी थें खः, गुकिं जितः रक्षा याइ। वय्‌कः जिगु ढाल खः, जितः बचय् याइगु शक्ति खः, शरण कायेगु थाय् खः।

भजनसंग्रहया सफू 20:5

छि त्‍याःगुलिं जिमिसं ततःसलं लय्‌तायाः भजन हाले अले झी परमेश्‍वरया नामय् ध्‍वाँय् ब्‍वय्‌के। परमेश्‍वरं छंगु फुक्‍क प्रार्थना न्‍यनादीमा।

भजनसंग्रहया सफू 21:2

वं मनंतुंगु फुक्‍कं छिं पूवंकादीगु दु। वं फ्‍वंगु छुं नं छिं मब्‍यू धयागु मदु।

भजनसंग्रहया सफू 35:9

अले जि परमप्रभु खनाः लय्‌ताये वय्‌कलं जितः बचय् यानादीगुलिं जि वय्‌कः खनाः लय्‌ताये।

भजनसंग्रहया सफू 51:15

हे परमप्रभु, जिगु म्‍हुतु चायेकादिसँ, अले जिं छितः प्रशंसा याये।

भजनसंग्रहया सफू 71:8

उकिं जिं मदिक्‍क छिगु प्रशंसा यानाच्‍वनागु दु। न्‍हिन्‍हिं जिं छिगु महिमा न्‍यंकाच्‍वने।

भजनसंग्रहया सफू 75:10

परमेश्‍वरं धयादी, “दुष्‍टतय्‌गु शक्ति जिं न्‍हंकाबी। अले धर्मीतय्‌गु शक्ति अप्‍वय्‌काबी।”

भजनसंग्रहया सफू 89:17

छाय्‌धाःसा छि हे इमिगु महिमा व शक्ति खः। अले छिगु हे दया मायां जिमित बल्‍लाकादीगु दु।

भजनसंग्रहया सफू 89:18

हे परमप्रभु, छिं जिमित रक्षा याइम्‍ह ल्‍ययादिल, छि इस्राएलया पवित्र परमेश्‍वरं हे जिमित जुजु बियादिल।

भजनसंग्रहया सफू 89:24

जिं वयात सदां दइगु दया माया यानाच्‍वने, अले वनापं विश्‍वास याये बहःम्‍ह जुयाच्‍वने, जिगु नांपाखें वयागु शक्ति अप्‍वयावनी।

भजनसंग्रहया सफू 9:14

अले जिं सियोनया ध्‍वाखाय् च्‍वनाः छिगु प्रशंसाया खँ ल्‍हाये फइ। छिं जितः बचय् यानादीगुलिं जि लय्‌तायाच्‍वने।

भजनसंग्रहया सफू 92:10

छिं जितः गुँयाम्‍ह द्वहं थें बल्‍लाकादीगु दु, छिं जितः लसताया चिकनं अभिषेक यानादीगु दु।

प्रस्‍थान 15:1

अले मोशा व इस्राएलीतय्‌सं परमप्रभुया निंतिं थ्‍व म्‍ये हाल, जिं परमप्रभुया म्‍ये हाले छाय्‌धाःसा वय्‌कलं तःधंगु ज्‍या यानादीगु दु। अले सल व सल गयावःपिन्‍त वय्‌कलं समुद्रय् वांछ्वयादीगु खः।

प्रस्‍थान 15:21

मिरियमं थथे धकाः म्‍ये हाल, “परमप्रभुयागु म्‍ये हा छाय्‌धाःसा वय्‌कलं तःधंगु ज्‍या यानादीगु दु, सल व सल गयावःपिन्‍त वय्‌कलं समुद्रय् वांछ्वयादीगु दु।”

हबकूक 3:1

शिग्‍गिओनोथ रागय् हबकूक अगमवक्तां याःगु प्रार्थना।

हबकूक 3:18

जि परमप्रभुयाके लय् लय्‌ताय्, जिं जितः उद्धार यानादीम्‍ह परमेश्‍वरयाके लय् लय्‌ताय्।

लूका 1:69

वय्‌कलं हे झीत छम्‍ह तसकं तःधंम्‍ह मुक्तिदाता बियादिल। झीम्‍ह मुक्तिदाता वय्‌कःया च्‍यः जुजु दाऊदया सन्‍तानपाखें झाइ।

रोमी 5:11

थुलि जक मखु, झीत परमेश्‍वर नाप मिलय् यानादीम्‍ह झी प्रभु येशू ख्रीष्‍टं यानाः वय्‌कः नाप झीपिं लय्‌ताय् खन।

व्‍यवस्‍था 33:17

इमिके द्वहंयाके थें बल दु। इमिगु नेकू गुँद्वहंयागु नेकू थें खः। उपिंपाखें हे इमिसं जातितय्‌त, पृथ्‍वीया कुन्‍चा कुन्‍चाय्‌पिन्‍त नं च्‍वइ। एफ्राइम कुलया लखं लख थथे हे खः। मनश्‍शे कुलया द्वलंद्वः थथे हे खः।”

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

फिलिप्‍पी 4:4

प्रभुयाके न्‍ह्याबलें लय्‌ताया च्‍वँ। जिं हानं धाये – “लय्‌ताया च्‍वँ।”

फिलिप्‍पी 4:6

छुं खँय् नं पीर काये मते। छिमित माःगु खँ प्रार्थना यानाः सुभाय् बियाः परमेश्‍वरयात बिन्‍ति या।

१ पत्रुस 1:8

वय्‌कःयात छिमिसं मखंनिसां माया यानाच्‍वंगु दु। आः नं वय्‌कःयात छिमिसं मखंनि, अय्‌नं छिमिसं विश्‍वास यानाच्‍वंगु दु। अले धयां मब्‍याक छिपिं लय्‌तायाच्‍वंगु दु।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

१ शमूएल 1:6

वया मचाखाचा मदुगुलिं हे हन्‍नाहया लिथुं वयात दुःख बीगु अले क्‍वह्यंकाः खँ ल्‍हाइगु खः।

१ शमूएल 1:7

दँय्‌दसं हे थथे याइगु खः। हन्‍नाह परमप्रभुया नापलायेगु पालय् वंक्‍वः पतिकं पनिन्‍नाहं हन्‍नाहयागु मन ख्‍वय्‌काबीगु अले व ख्‍वयाः नसा तकं मनसें च्‍वनी।