१ शमूएल 18:6 - नेवाः बाइबल

⁶ दाऊदं गोल्‍यतयात स्‍याये धुंकाः दाऊद व सिपाइँत थथःगु छेँ लिहां वयाच्‍वंबलय् मिसात इस्राएलया फुक्‍क शहरं पिहां वल, अले इमिसं दम्‍फु व बाजं थाथां म्‍ये हालाः प्‍याखं हुहुँ शाऊल जुजुयात नापलायेत वल।

१ शमूएल 18:6 ပူးပေါင်းရင်းမြစ်များ

२ शमूएल 1:20

“गातय् थ्‍व खँ न्‍यंके मते, अश्‍कलोनया लँय् लँय् थ्‍व खँ बय्‌बय् याना जुइ मते, मखुसा पलिश्‍तीतय् म्‍ह्याय्‌पिं खुशी जुइ, अले खतना मजूनिपिनि म्‍ह्याय्‌पिं लय्‌लय्‌ताइ।”

२ शमूएल 6:5

दाऊद व इस्राएलीतय् फुक्‍क घराना वीणा, सारंगी, खैँजडी, मृदङ्‌ग व भुस्‍याः थानाः म्‍ये हालाः तसकं लय्‌लय् तायाच्‍वन।

भजनसंग्रहया सफू 149:3

प्‍याखं ल्‍हुल्‍हुं इमिसं वय्‌कःया नांया प्रशंसा यायेमा, दम्‍फु व वीणा थानाः इमिसं वय्‌कःया भजन हालेमा।

भजनसंग्रहया सफू 68:11

परमप्रभुं आज्ञा बियादिल, तःम्‍ह हे मिसातय्‌सं थ्‍व खँयात न्‍यंका जुल।

भजनसंग्रहया सफू 68:25

म्‍ये हालीपिं न्‍ह्यःने न्‍ह्यःने, बाजं थाइपिं ल्‍युने ल्‍युने, दथुइ दम्‍फु थानावःपिं मिसात दु।

प्रस्‍थान 15:20

अले हारूनया तता मिरियम अगमवादिनीनं दम्‍फु काल। फुक्‍क मिसात नं दम्‍फु ज्‍वनाः प्‍याखं हुहुं वया ल्‍यूल्‍यू वल।

प्रस्‍थान 15:21

मिरियमं थथे धकाः म्‍ये हाल, “परमप्रभुयागु म्‍ये हा छाय्‌धाःसा वय्‌कलं तःधंगु ज्‍या यानादीगु दु, सल व सल गयावःपिन्‍त वय्‌कलं समुद्रय् वांछ्वयादीगु दु।”

यशैया 30:32

सजाँय बीगु कथिं परमप्रभुं इपिं फुक्‍कसित कय्‌कादी, व ल्‍हाःया दम्‍फु व वीणाया सःनापं जुइ। थःगु ल्‍हाःया शक्तिं वय्‌कः इपिंनापं लडाइँ यानादी।

न्‍यायकर्ता 11:34

यिप्‍ता मिस्‍पाय् थःगु छेँय् लिहां वःबलय् वयात पिने नापलायेत दम्‍फुत थाथां अले प्‍याखं हुहुँ झ्‍वात्त वया म्‍ह्याय् पिहां वल। व वया याकः म्‍ह्याय् खः, वया मेपिं सुं नं काय्‌म्‍ह्याय् मदु।

१ शमूएल 18:5

शाऊलं याके छ्वःगु न्‍ह्याथें ज्‍याःगु ज्‍या यायेत नं दाऊद तसकं ताःलात। अले शाऊलं वयात थःगु सेनापतिया पदय् तयेत ल्‍यल। थुकथं वयागु मान व पद च्‍वन्‍ह्याःगुलिं फुक्‍क सिपाइँत व शाऊलया हाकिमत नं लय्‌ताल।