१ शमूएल 18:4 - नेवाः बाइबल

⁴ जोनाथनं थःम्‍हं न्‍ययातःगु गा व फिनातःगु युवराजया तपाःलं त्‍वयाः थःगु तरवार, धनु व पेटीनापं दाऊदयात बिल।

१ शमूएल 18:4 ပူးပေါင်းရင်းမြစ်များ

उत्‍पत्ति 41:42

वं थःम्‍हं न्‍ह्यानातःगु अंगू त्‍वयाः योसेफया पतिनय् न्‍ह्याकाबिल। अले वयात भिंगु कापःया भान्‍तां लं फिकाः गःपतय् लुँयागु सिखः क्‍वखाय्‌कल।

२ शमूएल 1:22

“सीधुंकूपिनिगु हिपाखें व बल्‍लाःपिनिगु म्‍हपाखें जोनाथनया धनुष वाण गुबलें लिहां वइ मखु। शाऊलया तरवार मस्‍याय्‌कं गुबलें दापय् लिहां वइ मखु।”

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

इजकिएल 23:15

इमिसं जँय् जनी व छेनय् ताहाकःगु फेटा चिनातःगु दु, इपिं सकलें रथया हाकिमत थें खने दु। इपिं बेबिलोनिया देशय् बूपिं बेबिलोनी मनूत थें खने दु।

लूका 15:22

“तर अबुम्‍हय्‌सिनं च्‍यःतय्‌त सःताः थथे धाल – ‘याकनं हे दकलय् बांलाःगु वसः हयाः वयात पुंकि। वयागु पतिनय् अंगू नं न्‍ह्याकाः ब्‍यु। अले तुतिइ लाकां नं न्‍ह्याकाः ब्‍यु।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

१ शमूएल 17:38

अनंलि शाऊलं दाऊदयात थःगु हे गा न्‍यय्‌कल, नँ पाताया लं फिकाः, कँय्‌यागु तपुलि छेनय् पुइकल।

१ शमूएल 18:5

शाऊलं याके छ्वःगु न्‍ह्याथें ज्‍याःगु ज्‍या यायेत नं दाऊद तसकं ताःलात। अले शाऊलं वयात थःगु सेनापतिया पदय् तयेत ल्‍यल। थुकथं वयागु मान व पद च्‍वन्‍ह्याःगुलिं फुक्‍क सिपाइँत व शाऊलया हाकिमत नं लय्‌ताल।