१ शमूएल 18:16 - नेवाः बाइबल

¹⁶ तर सकले इस्राएल वं यहूदां दाऊदयात तसकं माया यात, छाय्‌धाःसा लडाइँलय् वं इमित न्‍ह्यलुवाः जुयाः यंकूगुलिं खः।

१ शमूएल 18:16 ပူးပေါင်းရင်းမြစ်များ

२ शमूएल 5:2

न्‍हापा शाऊल जुजु जुयाच्‍वंबलय् नं छि लडाइँलय् जिमि सिपाइँतय् न्‍ह्यलुवाः जुयादीगु खः। अले परमप्रभुं छितः थथे धयादिल, ‘छ जिम्‍ह मनूतय् जवाः व शासक जुइ।’”

१ राजा 3:7

“आः, हे परमप्रभु जिम्‍ह परमेश्‍वर, छिं थः दासयात वय्‌कःया थासय् जुजु दय्‌कादीगु दु। तर जि ला मचा हे तिनि, गय् यानाः जिं राजकाज यायेमाःगु खः व जिं मस्‍यू।

एस्‍तर 10:3

जुजुया क्‍वय्‌या दर्जायाम्‍ह यहूदी मोर्दकै छम्‍ह हे जक खः। व यहूदीत मध्‍ये छम्‍ह हे जक तसकं तःधंम्‍ह व नांजाःम्‍ह खः। अले व थःगु देशय् थः यहूदी दाजुकिजापिनि दथुइ तसकं भिंम्‍ह जुल छाय्‌धाःसा वं थःमनूतय्‌गु भिं यानाः सकल यहूदीतय्‌त बचय् यात।

गन्‍ती 27:17

व इमिगु न्‍ह्यः न्‍ह्यः पिहां वनीम्‍ह व दुहां वइम्‍ह जुइमा, वं न्‍ह्यलुवाः जुयाः इमित यंकी, अले इमित दुने हइ। थुकथं परमप्रभुया मनूत जवाः मदुपिं फै थें जुइ मखु।”

लूका 19:48

अय्‌नं इमिसं छुं हे याये मफया च्‍वन, छाय्‌धाःसा मनूत फुक्‍कसिनं वय्‌कःयागु खँ लय्‌लय्‌तातां न्‍यं।

लूका 20:19

वय्‌कलं अथे धयादीगुलिं शास्‍त्रीत व तःधंपिं पुजाहारीतय्‌सं वय्‌कःयात अन हे ज्‍वनेत स्‍वल, छाय्‌धाःसा व उखान इमित हे किकाः न्‍यंकादीगु खः धकाः इमिसं सीकल। अय्‌नं मनूत खनाः ग्‍यानाः इमिसं वय्‌कःयात ज्‍वने मफुत।

१ शमूएल 18:13

अथे जुयाः वं दाऊदयात थःगु लाय्‌कुलिं अलग तयाः द्वःछिम्‍ह सिपाइँत ल्‍यल। अले दाऊदं थः सिपाइँतय् न्‍ह्यलुवाः जुयाः लडाइँलय् ब्‍वना यंकल।

१ शमूएल 18:15

थुकथं दाऊद ताःलाःगु खनाः शाऊल व नापं तसकं ग्‍यात।

१ शमूएल 18:5

शाऊलं याके छ्वःगु न्‍ह्याथें ज्‍याःगु ज्‍या यायेत नं दाऊद तसकं ताःलात। अले शाऊलं वयात थःगु सेनापतिया पदय् तयेत ल्‍यल। थुकथं वयागु मान व पद च्‍वन्‍ह्याःगुलिं फुक्‍क सिपाइँत व शाऊलया हाकिमत नं लय्‌ताल।