१ शमूएल 17:52 - नेवाः बाइबल

⁵² अनंलि इस्राएल व यहूदाया मनूत तःसलं हा हां इमिगु ल्‍यूल्‍यू वन अले इमित गात व एक्रोनया मू ध्‍वाखाय् तक हे लिनायंकल। शारैमपाखें गात व एक्रोन वनेगु लँय् उखेंथुखें इमिगु सीम्‍ह जक जुल।

१ शमूएल 17:52 ပူးပေါင်းရင်းမြစ်များ

२ शमूएल 23:10

वं त्‍यानु मचातले हे पलिश्‍तीतय्‌त तरवारं हमला याना तुं च्‍वन। लिपा वं थःगु ल्‍हातं तरवार तक नं त्‍वःते मफुत। थुकथं उखुन्‍हु परमप्रभुं इस्राएलीतय्‌त त्‍याकादिल। अनंलि इस्राएलया मनूत सीपिन्‍त लुतय् यायेत जक एलाजारयाथाय् लिहां वल।

१ राजा 20:21

इस्राएलया जुजु आहाब जुजु न्‍ह्यज्‍यात। वं अरामीतय् सल व रथत कब्‍जा यात, अले यक्‍व अरामीतय्‌त स्‍यात।

यहोशू 15:11

हानं व सिमाना एक्रोनया उत्तर जुयाः शिक्‍करोन वल। अनं बाला पहाड जुयाः यब्‍नेलपाखे चाःहिलाः समुद्रया सिथय् क्‍वचाल।

न्‍यायकर्ता 7:23

उबलय् हे नप्‍ताली, आशेर व फुक्‍क मनश्‍शे कुलपाखें इस्राएलीत सःतल। अले इमिसं मिद्यानीतय्‌त लित्तुलिल।

१ शमूएल 17:53

इस्राएलीतय्‌सं पलिश्‍तीतय्‌त लिना यंकाः लिहां वःबलय् इमिगु पाल लुतये यात।

१ शमूएल 5:10

अथे जुयाः परमेश्‍वरया बाचाया सनू इमिसं नं एक्रोनय् छ्वल। तर परमेश्‍वरया बाचाया सनू एक्रोनय् थ्‍यनेवं अनयापिं मनूत थथे धकाः ततःसलं हाल, “जिपिं व जिमि मनूतय्‌त स्‍यायेत छिमिसं इस्राएलया परमेश्‍वरया बाचाया सनू थन हयागु ला?”

१ शमूएल 5:8

इमिसं थ्‍व सनूयात छु यायेमाली धकाः न्‍यनेत पलिश्‍तीतय् फुक्‍क शासकतय्‌त सःताहल, अले इमिके न्‍यन, “थ्‍व इस्राएलया परमेश्‍वरया सनूयात जिमिसं छु यायेगु?” अले इमिसं लिसः बिल, “इस्राएलया परमेश्‍वरया सनूयात गातय् तयेयंकि।” अथे जुयाः इमिसं इस्राएलया परमेश्‍वरया सनूयात अन तये यंकल।