१ शमूएल 17:11 - नेवाः बाइबल

¹¹ शाऊल व इस्राएलीतय्‌सं व पलिश्‍तीं धाःगु खँ न्‍यनेवं तसकं ग्‍यानाः नुगः कुतुंवंकल।

१ शमूएल 17:11 ပူးပေါင်းရင်းမြစ်များ

भजनसंग्रहया सफू 118:6

परमप्रभु जि नाप दी, जितः ग्‍याये माःगु मदु। मनूतय्‌सं जितः छुं हे याये फइ मखु।

भजनसंग्रहया सफू 27:1

परमप्रभु जिगु जः व जितः मुक्ति बीम्‍ह खः। जि सु खनाः ग्‍यायेगु? परमप्रभु हे जिगु किल्‍ला खः। जि सुलिसे ग्‍यायेगु?

हितोपदेश 28:1

सुनानं लिना महःसां दुष्‍ट मनूत बिस्‍युं बिस्‍युं जुइ, धर्मी मनूत धाःसा सिंह थें मग्‍यासे च्‍वनी।

यशैया 57:11

“छिमिसं सुयागु भय कयाः जितः मखुगु खँ ल्‍हानागु? अले छाय् छिमिसं जितः लुममंकागु व जितः नुगलय् मतयागु? छु जि यक्‍व ई तक सुम्‍क च्‍वनागुलिं छिमिसं जिगु भय मकयागु ला?

व्‍यवस्‍था 31:8

परमप्रभु थः हे छंगु न्‍ह्यःने झाइ, अले छनापं दइ। वय्‌कलं छन्‍त गुबलें त्‍वःतादी मखु अले त्‍यागय् याइ मखु। ग्‍याये मते, नुगः क्‍वतुंके मते।”

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

१ शमूएल 13:7

गुलिं गुलिं हिब्रूत यर्दन खुसि पुलाः गाद व गिलादया जिल्‍लाय् तक नं बिस्‍युं वन। शाऊल धाःसा गिलगालय् हे च्‍वनाच्‍वन व वया ल्‍यूल्‍यू वःपिं फुक्‍क मनूत ग्‍यानाः तसकं खात।

१ शमूएल 17:10

अले व पलिश्‍तीं धाल, “थौंयागु न्‍हि जिं इस्राएलीतय्‌त क्‍वह्यंके। आँट दुसा जिनापं ल्‍वाये फुम्‍ह छम्‍ह मनू छ्वयाहिँ। अले झीपिं ल्‍वाये।”

१ शमूएल 17:12

आः दाऊद यिशै धाःम्‍ह एप्रातीया काय् खः। व यहूदाया बेथलेहेमय् च्‍वंम्‍ह खः। यिशैया च्‍याम्‍ह काय्‌पिं दु। शाऊलया इलय् व बःमलाय् धुंकूम्‍ह व बुरा जुइ धुंकूम्‍ह खः।

१ शमूएल 21:13

अथे जुयाः वं उमिगु न्‍ह्यःने वँय् जूम्‍ह थें यानाक्‍यन। इमिगु सकसिगु न्‍ह्यःने मू ध्‍वाखाया निखें च्‍वंगु पःखालय् च्‍वच्‍वः अले दाह्री लाः त्‍वाला-त्‍वाला वय्‌काः वँय् थें पहः यानाच्‍वन।

१ शमूएल 7:7

पलिश्‍तीतय्‌सं इस्राएलीत मिस्‍पाय् मुनाच्‍वंगु दु धइगु खँ न्‍यनाः इमि शासकत व सिपाइँत इस्राएलीतलिसें लडाइँ यायेत वल। पलिश्‍तीत ल्‍वायेत न्‍ह्यज्‍यात धइगु खँ न्‍यनाः इस्राएलीत तसकं ग्‍यात।