१ शमूएल 16:7 - नेवाः बाइबल

⁷ तर परमप्रभुं शमूएलयात धयादिल, “व तःधिकःम्‍ह जूसां अले तसकं बांलाःम्‍ह जूसां वयागु वास्‍ता याये मते। व जुजु जुइत ल्‍वःम्‍ह मखु, छाय्‌धाःसा मनूतय्‌सं ला ख्‍वाः स्‍वयाः बिचाः याइ तर परमप्रभुं नुगः स्‍वयाः बिचाः यानादी।”

१ शमूएल 16:7 ပူးပေါင်းရင်းမြစ်များ

उत्‍पत्ति 4:5

कयिन व वयागु देछायात धाःसा यय्‌का मदिल। उकिं कयिन तसकं तंम्‍वल। वयागु ख्‍वाः खिउँसे च्‍वन।

२ शमूएल 14:25

अब्‍शालोम थें बांलाःम्‍ह व प्रशंसा याये ल्‍वःम्‍ह इस्राएलय् सुं नं मदु। वयाके छ्यनंनिसें तुति तक छुं नं ख्‍वं मदु।

२ शमूएल 7:20

“थः दासयात ब्‍यूगु इज्‍जतया बारे दाऊदं छितः मेगु छु धाये फइ धकाः? हे परमप्रभु परमेश्‍वर, छिं थः दासयात बांलाक म्‍हस्‍यू।

१ राजा 8:39

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ, इमित ग्‍वाहालि यानादिसँ। छिं जक सकलें मनूतय्‌गु बिचाः स्‍यू। उकिं वयागु ज्‍याकथं वयात लिच्‍वः बियादिसँ।

१ इतिहास 17:18

“थः दासयात ब्‍यूगु इज्‍जतया बारे दाऊदं छितः मेगु छु धाये फइ धकाः? हे परमप्रभु, छिं थः दासयात म्‍हस्‍यू।

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

२ इतिहास 6:30

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ। छिं सकलें मनूतय्‌गु नुगःया बिचाः स्‍यू। उकिं वयागु ज्‍याकथं वयात लिच्‍वः बियादिसँ। छाय्‌धाःसा छिं जक मनूया नुगःयात म्‍हस्‍यू।

अय्‍यूब 10:4

छु छिगु मिखा नं मनूयागु मिखा थें खः ला? छु सीमानिम्‍ह मनुखं खं थें छिं नं खं ला?

अय्‍यूब 35:5

च्‍वय् आकाशय् थस्‍वयादिसँ अले बिचाः यानादिसँ। छिगु च्‍वय्‌यागु सुपाँय्‌यात स्‍वयादिसँ।

भजनसंग्रहया सफू 139:2

छिं जि फ्‍यतुनागु व दनागु तकं स्‍यू छिं तापाकंनिसें हे जिगु नुगःखँ स्‍यू।

भजनसंग्रहया सफू 7:9

नुगः व बुद्धि दुवालादीम्‍ह हे परमेश्‍वर, छिं न्‍ह्याबलें भिंगु यानादी। दुष्‍टतय्‌गु मभिंगु ज्‍या न्‍हंकादिसँ, अले भिंगु याइपिन्‍त बचय् यानादिसँ।

हितोपदेश 15:11

कालयागु खँ ला परमप्रभुया न्‍ह्यःने सुलाच्‍वंगु मदुसा, मनूया नुगःया खँ जक गथे यानाः सुले फइ?

हितोपदेश 16:2

मनूतय्‌त थःपिनिगु थःगु फुक्‍क चालचलन ला पाय्‌छि हे थें च्‍वनी। तर परमप्रभुं उकियागु मनसुवाः छु खः धकाः जाँचय् यानादी।

हितोपदेश 24:12

“थ्‍व जिगु ज्‍या मखु” धकाः लिज्‍याये मते। परमेश्‍वरं सकसिगुं नुगःया खँ स्‍यू, अले वय्‌कलं छिमित नं स्‍वयाच्‍वनादीगु दु। वय्‌कलं छिमिगु नुगलय् छु दु धकाः स्‍यू। वय्‌कलं सुनां छु छु याःगु दु, व हे कथं लिच्‍वः बियादी।

हितोपदेश 31:30

हिसिं झंगः लाये यः, बांलाः ब्‍वयावनी। तर परमप्रभुया भय काइम्‍ह मिसा तःधंके बहः जू।

यर्मिया 11:20

तर हे दक्‍व शक्ति दुम्‍ह परमप्रभु, छिं खःकथं न्‍याय यानादी। छिं मनूतय् नुगः दुवालादी। छिं इमित बदला कयादीगु जिं स्‍वये दयेमा, छाय्‌धाःसा छितः हे जिं जिगु मुद्दा लःल्‍हानागु दु।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

यर्मिया 20:12

हे धर्मीतय्‌त जाँचय् यानादीम्‍ह अले नुगः व मन दुवालादीम्‍ह दक्‍व शक्ति दुम्‍ह परमप्रभु, छिं इमित बदला कयादीगु जिं स्‍वये दयेमा, छाय्‌धाःसा जिं जिगु मुद्दा छितः हे लःल्‍हानागु दु।

लूका 16:15

वय्‌कलं इमित धयादिल – “मनूतय्‌गु न्‍ह्यःने भिं जुया जुइपिं छिकपिं हे ला खः नि। अय्‌नं परमेश्‍वरं छिकपिनिगु नुगलय् च्‍वंगु खँ स्‍यू, थथे मनूतय्‌गु न्‍ह्यःने तःधंछुया जुइगु हे परमेश्‍वरयात दकलय् मयःगु खँ खः।

यूहन्‍ना 7:24

ख्‍वाः स्‍वयाः न्‍याय यानादी मते, बरु खःकथं न्‍याय यानादिसँ।”

यूहन्‍ना 8:15

छिकपिन्‍सं मनू स्‍वयाः न्‍याय यानादी, तर जिं सुयागुं न्‍याय मयाना।

प्रेरित 1:24

अले इमिसं थथे प्रार्थना यात – “मनूतय्‌गु नुगलय् दुने च्‍वंगु खँ स्‍यूम्‍ह प्रभु, थुपिं निम्‍हय् गुम्‍हय्‌सित छिं ल्‍ययादिया, जिमित क्‍यनादिसँ।

२ कोरिन्‍थी 10:10

छिमि दथुइ गुलिं गुलिंसिनं थथे धयाच्‍वंगु दु – “पावलया पौ क्‍वात्तुसे च्‍वं, अले तसकं कडा। तर मनू धाःसा ग्‍याफ्रा, अले नवाये नं मफु।”

२ कोरिन्‍थी 10:7

पिनेयागु खनेदुगु खँय् जक छिमिसं मन तयाच्‍वन। छिमिथाय् “जि ख्रीष्‍टयाम्‍ह मनू खः” धया जुइम्‍ह सुं दुसा वं थ्‍व नं सीके माःगु खः – व गथे ख्रीष्‍टयाम्‍ह खः जिपिं नं अथे हे ख्रीष्‍टयापिं खः।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

१ पत्रुस 2:4

वय्‌कः मनूतय्‌सं ज्‍यालगय् मजू धकाः चीकूगु, अय्‌नं परमेश्‍वरं ल्‍ययादीगु, म्‍वाःगु व तःजिगु ल्‍वहं खः। उकिं प्रभुयाथाय् वा।

१ पत्रुस 3:4

बरु दुनुगलंनिसें क्‍वमिलु व शान्‍त जुयाच्‍वँ। थ्‍व गुबलें फुनावनी मखुगु आत्‍मायागु तिसा खः। थज्‍याःगु हे परमेश्‍वरया न्‍ह्यःने तसकं तःजिगु जुइ।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

१ शमूएल 2:3

“छं घमण्‍ड यायेगु त्‍वःताछ्व अले तःधंछुया न्‍वंवायेगु त्‍वःताछ्व। छाय्‌धाःसा परमप्रभु फुक्‍क खँ स्‍यूम्‍ह परमेश्‍वर खः। अले मनूतय्‌सं याःगु फुक्‍क ज्‍याया न्‍याय यानादी।

१ शमूएल 9:2

वया शाऊल नांयाम्‍ह बांलाःम्‍ह छम्‍ह काय् दु। उगु इलय् इस्राएलय् व थें ज्‍याःम्‍ह सुं मदु। व दक्‍वसिबय् तःधिकःम्‍ह खः।