१ शमूएल 16:5 - नेवाः बाइबल

⁵ शमूएलं धाल, “याउँक हे वया! जि परमप्रभुया निंतिं बलि छायेत वयागु खः। छिपिं नं थथःपिन्‍त शुद्ध यानाः बलि छायेत जिनापं वा।” अले वं यिशै व वया काय्‌पिन्‍त शुद्ध यानाः बलिया निंतिं इमित सःतल।

१ शमूएल 16:5 ပူးပေါင်းရင်းမြစ်များ

उत्‍पत्ति 35:2

उकिं याकूबं थः छेँजःपिन्‍त व थःलिसे दुपिं सकसितं धाल, “छिपिंलिसे दुगु कर्पिनिगु मूर्तियात वांछ्वयाब्‍यु, अले थःपिन्‍त शुद्ध यानाः मेगु लं फ्‍यु।

१ राजा 2:13

हग्‍गीतया काय् अदोनियाह सोलोमनया मां बतशेबायाथाय् वल। बतशेबां वयात न्‍यन, “छु छ बांलाःगु मति तयाः वयागु खः ला?” वं लिसः बिल, “खः, बांलाःगु मतिं वयागु खः।”

१ इतिहास 12:18

उबलय् हे स्‍विम्‍ह मध्‍येया नायः अमासैयात परमेश्‍वरया आत्‍मां हपाःबियादिल। अले वं थथे धाल, “हे यिशैया काय् दाऊद जिपिं छिपाखे दु। छि ताःलायेमा छितः ग्‍वाहालि ब्‍यूपिं नं ताःलायेमा, छाय्‌धाःसा छिमि परमेश्‍वरं हे छन्‍त ग्‍वाहालि यानादी।” उकिं दाऊदं इमित लसकुस यात। वं इमित सेनाया नायःत दय्‌कल।

अय्‍यूब 1:5

भ्‍वय्‌या कन्‍हय् खुन्‍हु अय्‍यूब सुथ न्‍हापां दनाः इमिगु ल्‍याःकथं होमबलि छाइगु। थुकथं वं थःकाय् म्‍ह्याय्‌पिन्‍त च्‍वख याइगु, छाय्‌धाःसा वं थथे मतिइ तइगु, “जिमि काय् म्‍ह्याय्‌पिन्‍सं पाप याःगु जुइफु अले मनं मनं परमेश्‍वरयात सराः ब्‍यूगु जुइफु।” अय्‍यूबं न्‍ह्याबलें थथे याइगु।

प्रस्‍थान 19:10

परमप्रभुं वयात धयादिल, “मनूतय्‌थाय् वनाः थौं व कन्‍हय् इमित पवित्र या। इमिसं वसः नं हीमाः।

योएल 2:16

मनूतय्‌त मुंकि, मुँज्‍यायात अर्पण या, थकालितय्‌त मुंकि, चीधिकःपिं मस्‍त व दुरु मछ्युनिपिं मस्‍तय्‌त नं मुंकि! ब्‍याहा याइम्‍ह मिजं थःगु क्‍वथां अले ब्‍याहा याइम्‍ह मिसा थःगु दुनेया क्‍वथां पिहां वयेमाः।

सपन्‍याह 1:7

परमप्रभु परमेश्‍वरया न्‍ह्यःने सुम्‍क च्‍वँ, छाय्‌धाःसा परमप्रभुयागु दिं सतिक वये धुंकूगु दु। परमप्रभुं छगू बलिदान तयार यानादीगु दु, अले थःम्‍हं सःतूपिं पाहांतय्‌त वय्‌कलं पवित्र यानादीगु दु।

गन्‍ती 11:8

मनूतय्‌सं पिहां वनाः मन्‍न मुनीगु, अले ल्‍वहं घलय् क्‍यलेगु व ल्‍वहंमाय् नीगु याइ। अले उकियात लखय् तयाः ताःकुक दय्‌की अले उकिं ल्‍वहंचा मरि दय्‌की। थुकिया सवाः जैतूनया चिकनय् छुनातःगु मरि थें जुइ।

१ कोरिन्‍थी 11:28

थथे जूगुलिं फुक्‍क मनूतय्‌सं थथःगु मन जाँचय् याना स्‍व। अले जक मरि न, ख्‍वलाय् च्‍वंगु नं त्‍वँ।

यहोशू 3:5

यहोशूं मनूतय्‌त थथे धाल, “छिमिसं थःत शुद्ध या, छाय्‌धाःसा कन्‍हय् परमप्रभुं छिमिगु दथुइ अजू चाइपुगु ज्‍या यानादी।”

यहोशू 7:13

“हुँ! मनूतय्‌त शुद्ध या। इमित थथे धा, ‘कन्‍हय्‌या लागि थःत शुद्ध या। छाय्‌धाःसा परमप्रभु इस्राएलयाम्‍ह परमेश्‍वरं थथे धयादी, हे इस्राएल, देछायेमाःगु छुं धनमाल छिमिके दु। छिमिसं उकियात चीका मछ्वतले छिपिं शत्रुतय्‌गु न्‍ह्यःने दने फइ मखु।

१ शमूएल 20:26

उखुन्‍हु शाऊलं छुं मधाः। वं “व विधिकथं अशुद्ध जुयाः व मवःगु जुइमा, धात्‍थें व अशुद्ध हे जुल जुइ” धकाः बिचाः यात।