१ शमूएल 16:4 - नेवाः बाइबल

⁴ अनंलि शमूएलं परमप्रभुं धयादीकथं यात। अले व बेथलेहेमय् वन। अन च्‍वंपिं थकालितय्‌सं वयात नापलायेत ग्‍यात। इमिसं न्‍यनं, “छु छि याउँक झायादिया ला?”

१ शमूएल 16:4 ပူးပေါင်းရင်းမြစ်များ

उत्‍पत्ति 35:19

राहेल सित। वयात एप्रात वनेगु लँसिथय् थुनाबिल। थ्‍व थाय्‌यात थौंकन्‍हय् बेथलेहेम धाइ।

उत्‍पत्ति 48:7

“जिं थथे छाय् यानागु धाःसा पद्दन-आरामं लिहां वयाच्‍वनाबलय् एप्रात (बेथलेहेम) थ्‍यने न्‍ह्यः हे कनान देशय् छिमि मां राहेल मन्‍त। जिं वयात अन हे लँसिथय् थुनेमाल।”

२ शमूएल 6:9

उखुन्‍हु दाऊद नं परमप्रभुनापं ग्‍यानाः थथे धाल, “आः जिं परमप्रभुया सनू गुकथं थःनापं हे तयातये फइ?”

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

१ राजा 2:13

हग्‍गीतया काय् अदोनियाह सोलोमनया मां बतशेबायाथाय् वल। बतशेबां वयात न्‍यन, “छु छ बांलाःगु मति तयाः वयागु खः ला?” वं लिसः बिल, “खः, बांलाःगु मतिं वयागु खः।”

२ राजा 9:22

येहूयात खनाः योरामं न्‍यन, “छु छि शान्‍तिया निंतिं वयागु खः ला?” येहूं लिसः बिल, “छिकपिनि मां ईजेबेलया मूर्ति पुजा व तन्‍त्रमन्‍त्र दय्‌कं दय्‌कं गय् यानाः शान्‍ति जुइ?”

होशे 11:10

इपिं परमप्रभुया ल्‍यूल्‍यू वनी अले वय्‌कः सिंह थें हालादी। गुबलय् वय्‌कः हाली, वय्‌कःया मस्‍त थरथर खाखां पच्‍छिमं वइ।

होशे 6:5

अथे जुयाः जिं छिमित जिमि अगमवक्तातपाखें कुचा कुचा यानागु दु। जिं छिमित जिगु म्‍हुतुया वचनं स्‍यानागु दु। जिगु न्‍याय छिमिके हाबलासा थें प्‍वालापिलि च्‍यात।

लूका 2:4

योसेफ जुजु दाऊदया सन्‍तान जूगुलिं नासरत शहरं जुजु दाऊद बूगु बेथलेहेम गामय् वन।

लूका 5:8

अथे जाः जाय्‌क न्‍या क्‍यंगुलिं सिमोन अले व नाप दुपिं मनूत फुक्‍क अजू चाल, नापं ग्‍या नं ग्‍यात। अय्‌जूगुलिं सिमोन पत्रुसं येशूयागु पालिइ भ्‍वपुयाः थथे धाल – “प्रभु, छि जिथासं झासँ, जि पापीम्‍ह मनू खः।”

लूका 8:37

अले गेरासेनस जिल्‍लाय् च्‍वंपिं मनूतय्‌सं ग्‍यानाः वय्‌कःयात अनं पिहां झासँ धकाः बिन्‍ति यात। उकिं वय्‌कः नांचाय् च्‍वनाः लिहां झाल।

१ शमूएल 21:1

दाऊद अहीमेलेक पुजाहारीयाथाय् नोबय् वन। अहीमेलेक थरथर खाखां दाऊदयात नापलायेत वल, अले वयात धाल, “छि छाय् याकःचा जक झायागु? छिनापं छाय् सुं नं मवःगु?”