१ शमूएल 16:16 - नेवाः बाइबल

¹⁶ जिमि प्रभु, थःगु न्‍ह्यःने वयाः वीणा थाये फुम्‍ह च्‍यःयात मालाः हयेत उजं बियादिसँ। अले परमप्रभुपाखें वःगु व सास्‍ती बीगु आत्‍मां छितः कसाः याइबलय् व मनुखं वीणा थाइ अले छितः याउँसे च्‍वनी।”

१ शमूएल 16:16 ပူးပေါင်းရင်းမြစ်များ

उत्‍पत्ति 41:46

मिश्र देशया हामा जूबलय् योसेफ स्‍विदँ दुम्‍ह खः। फारोयाथासं पिहां वयाः व मिश्र देशय् न्‍यंक चाःहिल।

१ राजा 10:8

धन्‍य खः छिकपिनि मनूत! न्‍हियान्‍हिथं छिगु न्‍ह्यःने च्‍वनाः छिगु बुद्धिया खँ न्‍यनीपिं छिकपिनि थुपिं हाकिमत धन्‍य खः।

२ राजा 3:15

आः वीणा थाइम्‍ह छम्‍ह मनू जिथाय् हयादिसँ।” व मनुखं वीणा थानाच्‍वंबलय् परमप्रभुया शक्ति एलीशायाके क्‍वहां वल।

१ शमूएल 10:5

“अनंलि छि परमेश्‍वरया आराधना यायेगुथाय् गिबाय् झायादी। अन पलिश्‍तीतय्‌गु छाउनी दु। छि शहरया लिक्‍क थ्‍यनेवं छिं आराधना यायेगु थासं क्‍वहां वयाच्‍वंपिं अगमवक्तातय्‌गु छपुचःयात सारंगी कियाः दम्‍फु ज्‍वनाः बाँसुरी पुयाः व वीणा थानाः वयाच्‍वंगु नापलाइ। अले इमिसं अगमवाणी कनाः वयाच्‍वनी

१ शमूएल 16:14

परमप्रभुया आत्‍मां शाऊलयात त्‍वःतल, अले परमप्रभुं सास्‍ती बीगु आत्‍मा छ्वयाहयाः वयात तच्‍वकं सह याये मफय्‌क कसाः यात।

१ शमूएल 16:15

शाऊलया च्‍यःतय्‌सं वयात धाल, “स्‍वयादिसँ! परमप्रभुपाखें वःगु सास्‍ती बीगु आत्‍मां छितः कसाः यानाच्‍वंगु दु।

१ शमूएल 16:17

अथे जुयाः शाऊलं थः च्‍यःतय्‌त धाल, “बांलाक थायेसःम्‍ह छम्‍ह मनूयात मालाः जिथाय् हजि।”

१ शमूएल 18:10

कन्‍हय् खुन्‍हु परमेश्‍वरयापाखें छगू सास्‍ती बीगु आत्‍मा शाऊलयाके दुहां वन। अले व थःगु छेँय् वंय् थें अगमवाणी हाला जुल। न्‍हापा थें दाऊदं शाऊलया निंतिं वीणा थाना तुं च्‍वन। शाऊलया ल्‍हातय् थःगु भाला ज्‍वनातःगु दु।

१ शमूएल 19:9

तर छन्‍हु, शाऊल थःगु ल्‍हातय् भाला ज्‍वनाः छेँ तुं च्‍वनाच्‍वंगु खः। अले परमप्रभुया सास्‍ती बीगु आत्‍मां वयात त्‍वपुल। अले दाऊदं वीणा थानाच्‍वन।