१ शमूएल 15:8 - नेवाः बाइबल

⁸ वं अमालेकीतय् जुजु अगागया फुक्‍क मनूतय्‌त तरवारं भज्‍यंक नाश यानाः अगाग जुजुयात धाःसा मस्‍यासे ज्‍वन।

१ शमूएल 15:8 ပူးပေါင်းရင်းမြစ်များ

१ राजा 20:30

बचय्‌जूपिं जुक्‍व अपेक शहरय् बिस्‍युं वन। अन नं शहरया पःखाः दुनाः उपिं मध्‍ये निइन्‍हय्‌द्वःम्‍हय्‌सित (२७,०००) ल्‍हाकल। बेन-हदद नं शहरय् बिस्‍युं वनाः छखा छेँया दुनेया क्‍वथाय् सुलाच्‍वन।

१ इतिहास 4:43

इमिसं अन एदोमय् बचय्‌जूपिं सकल अमालेकीतय्‌त स्‍यानाबिल, अले थौं तक नं इपिं अन च्‍वनाच्‍वंगु दु।

एस्‍तर 3:1

छुं ई लिपा अहासूरस जुजुं अगागी हम्‍मदाताया काय् हामानयात वनापं ज्‍या याइपिं मेपिं भारदारत स्‍वयाः अप्‍वः पद थकयाः देय्‌या प्रधान मन्‍त्री यात।

लेवी 27:29

मनूत मध्‍ये सुं मनूयात स्‍यायेगु लागिं देछाःगु खःसा वयात मू पुलाः लिफ्‍याये मज्‍यू। वयात स्‍याना हे छ्वयेमाः।

गन्‍ती 24:7

इमिगु घलं लः भय्‌बियावइ, इमिसं प्‍यूगु पुसायात माक्‍व लः दइ। इमि जुजु अगाग स्‍वयाः नं तःधं जुइ, इमिगु राज्‍य अज्‍ज तःधनावनी।

यहोशू 10:39

इमिसं जुजुनापं शहरयात व उकिया फुक्‍क गांयात त्‍याका काल। इमिसं अन दुपिं फुक्‍कसित भज्‍यंक नाश यानाबिल। इमिसं सुं छम्‍हय्‌सित नं म्‍वाःका मतः। इमिसं हेब्रोन व लिब्‍ना अले अनयाम्‍ह जुजुयात याःगु थें तुं दबीर व अनयाम्‍ह जुजुयात नं यात।

यहोशू 11:12

अले थुपिं फुक्‍क शहरत इमि जुजुपिंनापं यहोशूं त्‍याका काल, अले परमप्रभुया दास मोशाया आज्ञाकथं इमित तरवारं भज्‍यंक नाश यानाबिल।

यहोशू 8:23

ऐयाम्‍ह जुजुयात धाःसा इमिसं ज्‍वनाः यहोशूयाथाय् हल।

१ शमूएल 15:20

शाऊलं शमूएलयात लिसः बिल, “तर जिं ला परमप्रभुया आज्ञा पालन यानागु दु। परमप्रभुं धयादीगु थासय् जि वनागु दु अले अमालेकीतय् जुजु अगागयात ज्‍वनाः हयागु दु। तर इपिं मध्‍ये ल्‍यंदुपिन्‍त धाःसा भज्‍यंक नाश यानाबियागु दु।

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”

१ शमूएल 22:19

अनंलि वं पुजाहारीया शहर नोबया फुक्‍क प्राणीतय्‌त स्‍यानाबिल, गथेकि, मिजंपिं, मिसात, मचात, दुरु त्‍वंपिं मचात, सा द्वहं, गधा, फै-च्‍वलय् फुक्‍कं स्‍यानाबिल।

१ शमूएल 30:1

स्‍वन्‍हु खुन्‍हु दाऊद व वया मनूत सिक्‍लगय् थ्‍यंकः वल। उगु इलय् अमालेकीतय्‌सं नेगेव व सिक्‍लगय् लुतय् याये धुंकूगु व सिक्‍लगय् हमला यानाः मि छ्वय्‌काब्‍यूगु इमिसं खन।