१ शमूएल 14:3 - नेवाः बाइबल

³ उपिं मध्‍ये ईकाबोदया किजा अहीतूबया काय् अहियाह पुजाहारीया भिंगु सूती कापःया वसः फिनातःम्‍ह खः। अहीतूब पीनहासया काय् अले शीलोय् च्‍वंम्‍ह परमप्रभुया पुजाहारी एलीया छय् खः। अले जोनाथन वंगु मनूतय्‌सं मसिल।

१ शमूएल 14:3 ပူးပေါင်းရင်းမြစ်များ

१ शमूएल 1:3

एल्‍काना दँय्‌दसं दक्‍व शक्ति दुम्‍ह परमप्रभुया आराधना यायेत व बलि छायेत थःगु शहरं शीलोय् थाहां वनीगु खः। उबलय् अन एलीया निम्‍ह काय्‌पिं परमप्रभुया पुजाहारीत होप्‍नी व पीनहास दु।

१ शमूएल 14:36

शाऊलं धाल, “झीपिं थौं चान्‍हय् क्‍वहां वनाः पलिश्‍तीतय्‌त हमला याः वनेनु। सुथया खिउँ खिउँ धाःबलय् तक हे इमित लुतय् यायेनु। इमि छम्‍ह नं मनूतय्‌त ल्‍यंकातये मखु।” मनूतय्‌सं लिसः बिल, “छितः छु यायेगु बांलाः व हे यानादिसँ।” तर पुजाहारीं धाल, “दकलय् न्‍हापां झीसं परमेश्‍वरयाके सल्‍लाह कायेनु।”

१ शमूएल 2:18

उबलय् शमूएल भिंगु सूती कापःया एपोद फिनाः परमप्रभुया न्‍ह्यःने सेवा याना हे च्‍वन।

१ शमूएल 2:28

जिं इस्राएलया फुक्‍क कुल मध्‍ये छिमि पुर्खा हारूनयात जिमि पुजाहारी जुइत, जिगु वेदीइ बलि छायेत, गुँगू थनेत व जिगु न्‍ह्यःने पुजाहारीया भिंगु सूती कापःया वसः फिनाः वयेत ल्‍ययागु खः। इस्राएलया फुक्‍क विशेष देछा छिमि पुर्खातय्‌गु निंतिं अलग तयाबिया।

१ शमूएल 22:20

अहीमेलेकया अबियाथार नांयाम्‍ह छम्‍ह काय् धाःसा दाऊदयाथाय् बिस्‍युं वन।

१ शमूएल 4:21

मचाया नां ईकाबोद तयाः वं थथे धाल, “इस्राएलपाखें परमेश्‍वरया महिमा तनावंगु दु।” थुकथं वं परमेश्‍वरया बाचाया सनू लाकायंकूगु अले थः ससःबौ व भाःतयात स्‍याःगु खँ प्‍वंकल।

१ शमूएल 4:4

अथे जुयाः इमिसं शीलोय् मनूत छ्वल अले करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुया बाचाया सनू हल। एलीया निम्‍ह काय्‌पिं होप्‍नी व पीनहास नं व सनू नापं हे वल।