१ शमूएल 14:1 - नेवाः बाइबल

¹ छन्‍हु शाऊलया काय् जोनाथनं थःगु ल्‍वाभः ज्‍वनीम्‍ह ल्‍याय्‌म्‍हम्‍ह मनूयात धाल, “वा, झीपिं उखेपाखेया डाँडाय् च्‍वंगु पलिश्‍तीतय्‌गु छाउनी वनेनु।” तर थ्‍व खँ वं थः बौयात मधाः।

१ शमूएल 14:1 ပူးပေါင်းရင်းမြစ်များ

मीका 7:5

छम्‍ह जःलाखःलायात पत्‍याः याये मते। छम्‍ह पासायात विश्‍वास याये मते। थःनापं च्‍वनीम्‍ह कलाःलिसे होश यानाः जक खँ ल्‍हा।

न्‍यायकर्ता 14:6

उघ्रिमय् हे परमप्रभुयागु आत्‍मां शिमशोनयात बल बिल। अले वं ल्‍हातय् छुं मदुसां व सिंहयात छम्‍ह दुगुचाया मचायात थें कुचा कुचा यानाबिल। तर थःम्‍हं यानागु खँ वं थः मां बौयात मकं।

न्‍यायकर्ता 14:9

अले ल्‍हातं भचा कस्‍ति तुयाकयाः वं लँय् नँनं वन। थः मां बौयात नापलाकाः वं इमित नं भचा कस्‍ति बिल अले इमिसं नं व कस्‍ति नल। तर वं व कस्‍ति सिंहयागु सीम्‍हं कयागु खः धकाः थः मां बौयात मकं।

न्‍यायकर्ता 6:27

उकिं गिदोनं थः झिम्‍ह च्‍यःतय्‌त कयाः परमप्रभुं धयादीगु थें हे यात। तर थः बौया परिवार व शहरयापिं मनूत खनाः ग्‍याःगुलिं वं थ्‍व ज्‍या न्‍हिनय् मखु चान्‍हय् यात।

१ शमूएल 13:2

शाऊलं स्‍वद्वः मनूत ल्‍यल अले थःनापं मिकमाशय् व बेथेलया पहाडया देशय् निद्वः तल अले थःकाय् जोनाथननापं बेन्‍यामीन कुलया इलाका दुने गिबाय् द्वःछि छ्वत। अले ल्‍यंदुपिं मनूतय्‌त धाःसा वं छेँ तुं लित छ्वयाबिल।

१ शमूएल 13:22

अथे जुयाः लडाइँ शुरु जूबलय् शाऊल व जोनाथनया ल्‍यूल्‍यू वःपिं मनूतय्‌के तरवार व भाला मदु। शाऊल व जोनाथनयाके जक दु।

१ शमूएल 13:23

उबलय् मिकमाशया भन्‍ज्‍याङ रक्षा यायेत पलिश्‍तीतय्‌सं छपुचः सिपाइँत छ्वयाहल।

१ शमूएल 14:2

उबलय् शाऊलं गिबाया लिक्‍कसं च्‍वंगु मिग्रोनय् धालेमाया तःलय् थःगु पाल ग्‍वयाः च्‍वनाच्‍वंगु खः। व नापं खुसः मनूत दु।

१ शमूएल 25:19

अले थः च्‍यःतय्‌त धाल, “छिपिं न्‍ह्यःने न्‍ह्यःने हुँ जि ल्‍यूल्‍यू वये।” तर थुकिया बारे वं थः भाःतयात धाःसा छुं हे मधाः।