१ शमूएल 13:7 - नेवाः बाइबल

⁷ गुलिं गुलिं हिब्रूत यर्दन खुसि पुलाः गाद व गिलादया जिल्‍लाय् तक नं बिस्‍युं वन। शाऊल धाःसा गिलगालय् हे च्‍वनाच्‍वन व वया ल्‍यूल्‍यू वःपिं फुक्‍क मनूत ग्‍यानाः तसकं खात।

१ शमूएल 13:7 ပူးပေါင်းရင်းမြစ်များ

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

व्‍यवस्‍था 20:8

अले कप्‍तानतय्‌सं मनूतय्‌त थथे नं धा “थन सुं ग्‍याफ्रा व धन्‍दा काइम्‍ह दुसा थःगु छेँय् लिहां वनेमा। छाय्‌धाःसा वं यानाः मेपिं सेनातय्‌गु नुगः क्‍वतुनी।”

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

व्‍यवस्‍था 3:12

उबलय् झीसं व देश त्‍याकाकयाबलय् अर्नोन खुसियागु न्‍हसिकाप च्‍वसं दुगु अरोएरंनिसें कयाः गिलाद पर्वतया बच्‍छि ब्‍व व उकिया शहर जिं रूबेनी व गादीतय्‌त बिया।

यहोशू 13:11

गशूरी व माकातीयापिं मनूतय्‌गु इलाका गिलाद, हेर्मोन पर्वत, फुक्‍क बाशान सलका तक हे

यहोशू 13:8

मनश्‍शेया बच्‍छि कुल, रूबेनीत, व गादीतय्‌सं धाःसा यर्दन पुर्बयागु देश परमप्रभुया दास मोशापाखें थथःगु सर्बयकथं काये धुंकूगु खः।

न्‍यायकर्ता 7:3

आः छ वनाः मनूतय्‌सं तायेक थथे धा, ‘ग्‍यानाः थुरथुर खाइपिं जुक्‍व गिलाद पहाडं लिहां वनेमा।’” उकिं निइनिद्वः मनूत लिहां वन, झिद्वः जक ल्‍यनाच्‍वन।

१ शमूएल 13:8

शमूएलं धाःकथं शाऊल न्‍हय्‌न्‍हु तक पियाच्‍वनाच्‍वन तर शमूएल गिलगालय् मवः। अले वया मनूतय्‌सं शाऊलयात त्‍वःताहल।

१ शमूएल 17:11

शाऊल व इस्राएलीतय्‌सं व पलिश्‍तीं धाःगु खँ न्‍यनेवं तसकं ग्‍यानाः नुगः कुतुंवंकल।

१ शमूएल 31:7

अले यिजरेलया ब्‍यासि व यर्दनया उखे च्‍वंपिं फुक्‍क इस्राएलीतय्‌सं मेपिं इस्राएलीत बिस्‍युं वंगु अले शाऊल व वया स्‍वम्‍हं काय्‌पिं सीगु खनाः इपिं नं थथःगु शहर त्‍वःताः बिस्‍युं वन। अले पलिश्‍तीतय्‌सं अन वनाः उपिं शहरत कब्‍जा यात।