१ शमूएल 13:6 - नेवाः बाइबल

⁶ इस्राएलीत तसकं संकष्‍टय् लात, छाय्‌धाःसा इपिं शत्रुतपाखें आपतय् लाःगु खः। अथे जुयाः इपिं गुफाय्, झालय् व लःकुथिइ, ल्‍वहं कापिचाय्‌ व तुंथिइ सुचुवन।

१ शमूएल 13:6 ပူးပေါင်းရင်းမြစ်များ

२ शमूएल 24:14

दाऊदं गादयात लिसः बिल, “जि तसकं आपतय् लाःगु दु। जितः परमप्रभुया ल्‍हातय् हे लाके ब्‍यु। छाय्‌धाःसा वय्‌कः तसकं दयादुम्‍ह खः। तर जि मनूतय्‌गु ल्‍हातय् लाये म्‍वाःलेमा।”

यशैया 42:22

तर थ्‍व छगू थज्‍याःगु जाति खः, सुयात लुतय् याःगु दु। इमित कैदी यानाः कालकोठरीइ कुनातःगु दु। इमित लुतय् याःगु दु, अले इमित त्‍वःतकेत व लित छ्वयेत सुं नं वइ मखु।

यर्मिया 41:9

इश्‍माएलं स्‍याःपिं मनूतय्‌गु सीम्‍ह वांछ्वःगु तुंथि तसकं तःधं। व त्‍यांकि आशा जुजुं इस्राएलया जुजु बाशां हमला याःबलय् म्‍हुइके ब्‍यूगु खः। नतन्‍याहया काय् इश्‍माएलं मनूतय्‌गु सीम्‍हं व त्‍यांकि जाय्‌काबिल।

इजकिएल 33:27

“इमित धा, ‘परमप्रभु परमेश्‍वरं थथे धयादी – गथे जि धात्‍थें म्‍वाःम्‍ह खः, नाश जूगु शहरय् च्‍वनाच्‍वंपिं मनूत तरवारं सी। ख्‍यलय् दुपिन्‍त जिं गुँपशुतय्‌त नयेत बी। किल्‍लाय् व गुफाय् दुपिं महामारीं सी।

फिलिप्‍पी 1:23

जि ला बाम्‍हय् कानाच्‍वंगु दु। थ्‍व संसार त्‍वःताः ख्रीष्‍टनाप च्‍वंवनेगु जिगु तःधंगु इच्‍छा खः।

हिब्रू 11:38

संसार इपिं च्‍वने बहःगु मजुल। इपिं मरुभूमिं मरुभूमिं, पहाडं पहाडं बिस्‍युं जुइ माल। अले गुफा गुफाय्, पाक्‍व पाक्‍वय् सुलाः जुइ माल।

यहोशू 8:20

ऐयापिं मिजंतय्‌सं ल्‍युने फस्‍वःबलय् शहरया कुँ आकाशपाखे वनाच्‍वंगु खंकल। इपिं थुखे उखे गन नं बिस्‍युं वने मफुत। छाय्‌धाःसा मरुभूमिपाखे बिस्‍युं वंपिं इस्राएलीत लिहां वयाः न्‍हापां थःपिन्‍त ल्‍यूवःपिं ऐयापिन्‍त हमला यात।

न्‍यायकर्ता 10:9

अम्‍मोनीत नं यर्दन खुसि पार यानाः यहूदा, बेन्‍यामीन व एफ्राइम कुलयापिं मनूतलिसें लडाइँ यात। अले इस्राएलीत तःधंगु दुःखय् लात।

न्‍यायकर्ता 20:41

अले इस्राएलीतय्‌सं फहिलाः बेन्‍यामीनीतय्‌त हमला यात। थःगु नाश जुइगु ई वःगु खनाः बेन्‍यामीनीत ग्‍यानाः आत्ते जुल।

न्‍यायकर्ता 6:2

मिद्यानीत इस्राएलीत स्‍वयाः बल्‍लानावन। मिद्यानीतय्‌सं यानाः इस्राएलीत पहाडया कापिचा, गुफात व झतांगालय् सुला च्‍वंवन।

१ शमूएल 13:15

अनंलि शमूएल गिलगाल त्‍वःताः बेन्‍यामीनया गिबापाखे वन। अले शाऊलं थःनापं दुपिं मनूत ल्‍याः खात। इपिं खुसः ति जक दु।

१ शमूएल 14:11

अथे जुयाः इपिं पलिश्‍तीतय्‌गु छाउनीइ खनेदय्‌क वन। अले पलिश्‍तीतय्‌सं धाल, “स्‍वसा, हिब्रूत थः सुचुला च्‍वंगु प्‍वालं पिहां वयाच्‍वंगु दु।”

१ शमूएल 14:22

एफ्राइमया पहाडी देशय् सुलाच्‍वंपिं इस्राएलीतय्‌सं पलिश्‍तीत बिस्‍युं वंगु खबर सिल, इपिं नं मिलय् जुयाः पलिश्‍तीतय्‌त लित्तुलिनाः यंकल।

१ शमूएल 23:19

जीपया छुं मनूत गिबाय् शाऊलयाथाय् वनाः थथे धाल, “दाऊद जिमिगु लागाय् हकीला पहाडया होरेशय् सुलाच्‍वंगु दु। थ्‍व यशिमोनया दच्‍छिनपाखे लागाय् दु। थ्‍व यहूदाया मरुभूमिया दच्‍छिनपाखे लागाय् दु।

१ शमूएल 24:3

वँवं लँपुइ लाःगु फैगलय् थ्‍यन, अन छगू गुफा नं दुगु जुयाच्‍वन। व हे गुफाया कुन्‍चाय् थ्‍यंक दाऊद व वया मनूत सुलाच्‍वंगु खः। शाऊल व गुफाय् झारा च्‍वनेत दुहां वन।

१ शमूएल 31:7

अले यिजरेलया ब्‍यासि व यर्दनया उखे च्‍वंपिं फुक्‍क इस्राएलीतय्‌सं मेपिं इस्राएलीत बिस्‍युं वंगु अले शाऊल व वया स्‍वम्‍हं काय्‌पिं सीगु खनाः इपिं नं थथःगु शहर त्‍वःताः बिस्‍युं वन। अले पलिश्‍तीतय्‌सं अन वनाः उपिं शहरत कब्‍जा यात।

१ शमूएल 7:7

पलिश्‍तीतय्‌सं इस्राएलीत मिस्‍पाय् मुनाच्‍वंगु दु धइगु खँ न्‍यनाः इमि शासकत व सिपाइँत इस्राएलीतलिसें लडाइँ यायेत वल। पलिश्‍तीत ल्‍वायेत न्‍ह्यज्‍यात धइगु खँ न्‍यनाः इस्राएलीत तसकं ग्‍यात।