१ शमूएल 13:5 - नेवाः बाइबल

⁵ अले पलिश्‍तीत इस्राएलीतनापं लडाइँ यायेत छथाय् मुन। इमिके स्‍वद्वः रथ व खुद्वः रथ चले याइपिं व समुद्रया सिथय्‌या फि ति हे अल्‍याख न्‍यासि वनीपिं सिपाइँत दु। इपिं थाहां वनाः बेथ-आवनया पुर्बय् मिकमाशय् छाउनी तल।

१ शमूएल 13:5 ပူးပေါင်းရင်းမြစ်များ

उत्‍पत्ति 22:17

जिं छन्‍त आकाशय् च्‍वंगु नगु व फिसलय् च्‍वंगु फि थें यक्‍व सन्‍तान दय्‌काबी। इमिसं थः शत्रुतय्‌त बुकाः इमिगु शहर त्‍याकाकाइ।

२ शमूएल 17:11

अथे जुयाः जिगु थ्‍व सल्‍लाह दु, दानंनिसें दच्‍छिनया बेर्शेबाया सिथय् तक दुपिं फुक्‍क इस्राएलीतय्‌त छथाय् मुंकि। इपिं समुद्रया सिथय् च्‍वंगु फि थें अल्‍याख दइ, अले छि थः हे लडाइँलय् इमिगु न्‍ह्यलुवाः जुयाः यंकी।

१ राजा 20:27

इस्राएलीत नं ल्‍वाभः ज्‍वनाः मुन। इपिं सकसितं नयेगु सामान बिल। अले इपिं निगू पुचः जुयाः इपिंलिसें ल्‍वाः वन। इस्राएलीतय्‌सं इमिगु चुलिंचू छाउनी दय्‌कल। इस्राएलीत दुगुतय्‌गु निगू चिचीधंगु बथां थें च्‍वं। अरामीत धाःसा मैदान जाय्‌कः न्‍यनाच्‍वनाच्‍वंगु दु।

२ इतिहास 1:9

हे परमप्रभु परमेश्‍वर! आः छिं जिमि बाःयात बियादीगु बचं पूरा यानादिसँ, छाय्‌धाःसा छिं जितः धू थें अल्‍याख ल्‍याः दुगु छगू जातिया जुजु दय्‌कादीगु दु।

यशैया 10:28

स्‍व, अश्‍शूरीत अय्यात शहर दुने दुहां वन। इपिं मिग्रोनपाखें जुयाः वनी। मिकमाशय् इमिसं थःगु सामानत तइ।

यशैया 48:19

छिमि सन्‍तानत फि थें दइगु, अले छिमि काय्‌म्‍ह्याय्‌पिं अल्‍याख दइगु। इमिगु नां जिपाखें गुबलें हुयाछ्वयेगु जुइ मखुगु, अले इपिं जिगु न्‍ह्यःने नाश जुइ मखुगु।”

यर्मिया 15:8

जिं इमि भाःत मदुपिं मिसातय्‌गु ल्‍याः समुद्रया फिया ल्‍याः स्‍वयाः अप्‍वः दय्‌काबी। जिं इमिगु विरोधय्, ल्‍याय्‌म्‍हपिनि मांया विरोधय् न्‍हिनय् नाश याइम्‍ह ब्‍वनाहये। जिं इमित आकांझाकां संकटय् लाकाबी अले इपांथिपां कंकाबी।

होशे 10:5

सामरियाय् च्‍वंपिं मनूतय्‌सं बेथ-आवनय् इमि द्वहंचाया मूर्तियात छु गथे जुइ धकाः धन्‍दा काइ। इपिं व मूर्तिया निंतिं दुखं च्‍वनी, अले मूर्तियात पुजा याइपिं पुजाहारीत नं, गुपिं महिमाया कारणं लय्‌लय् ताःगु खः, छाय्‌धाःसा व मूर्तियात देशं पिने यंकी।

होशे 4:15

“अय् इस्राएल, छं व्‍यभिचार याःसां नं यहूदा दोषी मजुइमा।” “छिपिं गिलगालय् वने मते बेथ-आवनय् नं वने मते, अले म्‍वानाच्‍वंम्‍ह परमप्रभुयात साक्षी तयाः पाफये मते।

होशे 5:8

“गिबाय् तुरही व रामाय् नेकू पु। बेथ-आवनय् लडाइँया सः पिका। अय् बेन्‍यामीन, न्‍ह्यलुवाः जु।

रोमी 9:27

इस्राएलयात कयाः यशैयां थथे धाःगु दु – “इस्राएलया सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक बचय् जुइ,

यहोशू 11:4

इपिं थःपिनि सेना ज्‍वनाः वल। इमिगु ल्‍याः यक्‍व अप्‍वः दु, समुद्र सिथया फि थें इमिके यक्‍व सल व रथ नं दु।

यहोशू 18:12

उत्तरपाखे इमिगु सिमाना यर्दनं शुरु जुल, अले यरीहोया उत्तर पाखेया पाःचाय् थाहां वनाः पच्‍छिमपाखे पहाडी देश जुयाः बेथ-आवनया मरुभूमिइ थ्‍यन।

यहोशू 7:2

यहोशूं बेथेलया पुर्बपाखे व बेथ-आवनया न्‍ह्यःने लाःगु ऐ शहरय् यरीहों थथे धयाः मनूत छ्वल, “अन वनाः उकियागु चिवा का।” उपिं मनूत वन अले ऐ शहरयागु चिवा काल।

न्‍यायकर्ता 7:12

मिद्यानीत, अमालेकीत व पुर्बयापिं जातित क्‍वःबुइँचाया हुल थें ग्‍वाः ग्‍वाः मुनाः च्‍वनाच्‍वंगु जुयाच्‍वन। इमिके समुद्र सिथया फि ति हे अल्‍याख ऊँटत दु।

१ शमूएल 13:11

शमूएलं धाल, “थ्‍व छिसं छु यानादियागु?” शाऊलं लिसः बिल, “मनूत जितः त्‍वःताः बिस्‍युं वंगु जिं खना अले छिसं क्‍वछ्यूगु इलय् छि नं झाया मदी। पलिश्‍तीत धाःसा मिकमाशय् मुनेगु शुरु यात।

१ शमूएल 13:2

शाऊलं स्‍वद्वः मनूत ल्‍यल अले थःनापं मिकमाशय् व बेथेलया पहाडया देशय् निद्वः तल अले थःकाय् जोनाथननापं बेन्‍यामीन कुलया इलाका दुने गिबाय् द्वःछि छ्वत। अले ल्‍यंदुपिं मनूतय्‌त धाःसा वं छेँ तुं लित छ्वयाबिल।

१ शमूएल 14:23

उखुन्‍हु परमप्रभुं इस्राएलयात बचय् यानादिल अले लडाइँ बेथ-आवनया पारि तक न्‍यनावन।

१ शमूएल 14:52

शाऊलं थःगु जिवंकाछि पलिश्‍तीतनापं लडाइँ याये माल। अथे जुयाः सु सु बल्‍लाः अले साहस यायेफु इमित हे थःगु ज्‍याया निंतिं सेनापति ल्‍ययादिल।

१ शमूएल 17:1

पलिश्‍तीतय्‌सं लडाइँ यायेत यहूदाया सोकोय् थः सिपाइँतय्‌त मुंकल। अले इमिसं सोको व आजेकाया दथुइयागु एपेस-दम्‍मीमय् पाल ग्‍वल।

१ शमूएल 7:13

थुकथं पलिश्‍तीत बुत अले हाकनं छुं ई तक इस्राएलीतनापं लडाइँ याः वये मफुत। शमूएलया जिवंकाछि हे परमप्रभुया ल्‍हाः पलिश्‍तीतय्‌गु विरोधय् लात।