१ शमूएल 13:4 - नेवाः बाइबल

⁴ अले शाऊलं पलिश्‍तीतय्‌गु छाउनीइ हमला यात व पलिश्‍तीतय्‌सं इस्राएलीतय्‌त तसकं मय्‌कल धयागु खँ फुक्‍क इस्राएलीतय्‌सं न्‍यन। अथे जुयाः वयागु इनाप न्‍यनाः इपिं गिलगालय् शाऊलयाथाय् मुंवल।

१ शमूएल 13:4 ပူးပေါင်းရင်းမြစ်များ

उत्‍पत्ति 34:30

याकूबं शिमियोन व लेवीयात धाल, “छिमिसं जितः आपतय् लाकाबिल। आः जितः कनानी, परिज्‍जी व थनच्‍वंपिं फुक्‍कसिनं मही। झी ल्‍याखं आपाः मदु। इपिं फुक्‍क जानाः झीपिंलिसे ल्‍वाः वल धाःसा झीपिं फुक्‍कं सी।”

उत्‍पत्ति 46:34

‘जिपिं फैजवाःत खः, जिपिं न्‍हापांनिसें फै ज्‍वयावयाच्‍वनापिं खः’ धकाः धयादिसँ। अले वय्‌कलं छिकपिन्‍त गोशेनय् च्‍वनेत थाय् बी। मिश्रय् च्‍वंपिनि फै ज्‍वइपिं मनूत मयःगुलिं योसेफं अथे धाय्‌कूगु खः।”

२ शमूएल 10:6

आः जिपिं दाऊदया निंतिं मिखां स्‍वये मयःपिं मनूत जुइ धुंकल धकाः अम्‍मोनीतय्‌सं सिल। उकिं इमिसं बेथ-रहोब व सोबा शहरं निइद्वः न्‍यासि वनीपिं अरामी सिपाइँत थःपिन्‍त ग्‍वाहालिया निंतिं बालं कयाः हल। इमिसं माकाया जुजुनापं वया सेनात द्वःछि व तोबपाखें झिंनिद्वः मनूत बालं कयाहल।

प्रस्‍थान 5:21

अले इमिसं धाल, “परमप्रभुं छिकपिनिगु न्‍याय यानादीमा, छाय्‌धाःसा छिकपिन्‍सं यानाः जुजु व वया भारदारत जिपिंलिसें तंचाःगु दु, अले जिमित स्‍यायेत तरवार नं बियादीगु दु।”

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।

यहोशू 5:9

अले परमप्रभुं यहोशूयात धयादिल, “थौं जिं छिमिकेनं मिश्रय् दास जुयाच्‍वंगुया लज्‍या चीकाछ्वयागु दु।” उकिं व थाय्‌यात थौं तक नं गिलगाल धकाः धाइ।

१ शमूएल 10:8

“छि जि वये न्‍ह्यः हे गिलगालय् क्‍वहां झासँ अले जिं होमबलि व मेलबलि छायेत छिथाय् वये। तर जि छिथाय् मथ्‍यंतले छिं न्‍हय्‌न्‍हु तक पियाच्‍वने मालि। अले जि वयाः छिं यायेमाःगु छु खः व धयाबी।”

१ शमूएल 27:12

तर आकीशं दाऊदयात पत्‍याः यानाः थथे धाल, “व थः इस्राएली मनूतय्‌गु न्‍ह्यःने तसकं मभिंम्‍ह जूगु दु, अथे जुयाः व जिवंकाःछि जिगु दास जुयाच्‍वनी।”