१ शमूएल 13:12 - नेवाः बाइबल

¹² जिं थथे बिचाः याना की ‘पलिश्‍तीतय्‌सं जितः गिलगालय् हमला यायेत वइ अले जिं ग्‍वाहालिया निंतिं परमप्रभुयाके बिन्‍ति नं यानागु मदु।’ अथे जुयाः जिं होमबलि छाये हे माः धकाः मतिइ तयाः थथे यानागु खः।”

१ शमूएल 13:12 ပူးပေါင်းရင်းမြစ်များ

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

आमोस 8:5

छिमिसं धाइ, “अमइया पवित्र दिं फुइन धकाः झीपिं लँच्‍वने फइ मखु, अले झीसं अन्‍न मि फइ। शबाथ गुबलय् क्‍वचाइ धकाः पियाच्‍वने फइ मखु, अले झीसं छ्व मि फइ।” माना चिग्‍वः व ढक झ्‍यातुक यानाः जिमिसं मखुगु तराजु चले यानाः थगय् याये फइ।

२ कोरिन्‍थी 9:7

सकसिनं थःगु मनय् गुलि बी धकाः पक्‍का याःगु खः उलि हे ब्‍यु। बीधुंकाः नुगः मछिंका च्‍वने मज्‍यू, करंबरं बीगु नं बांमलाः, छाय्‌धाःसा लय्‌तायाः ब्‍यूम्‍ह मनू खनाः परमेश्‍वर लय्‌तायादी।

१ शमूएल 13:11

शमूएलं धाल, “थ्‍व छिसं छु यानादियागु?” शाऊलं लिसः बिल, “मनूत जितः त्‍वःताः बिस्‍युं वंगु जिं खना अले छिसं क्‍वछ्यूगु इलय् छि नं झाया मदी। पलिश्‍तीत धाःसा मिकमाशय् मुनेगु शुरु यात।

१ शमूएल 13:13

शमूएलं शाऊलयात धाल, “छिसं मूर्ख ज्‍या यानादिल। परमप्रभु छिकपिनि परमेश्‍वरं छितः बियादीगु आज्ञाकथं छिसं यानामदी। छिसं मानय् याःगु जूसा वय्‌कलं छिगु राज्‍य इस्राएलय् सदांया निंतिं ल्‍ययादी।

१ शमूएल 15:12

कन्‍हय् खुन्‍हु सुथ न्‍हापां हे व शाऊलयात नापलायेत वन। तर “शाऊल कर्मेल डाँडाय् वनाः अन लुमन्‍तिया चिंकथं थःगु हनाबनाया निंतिं छगू सालिक दय्‌काः अनं गिलगालय् क्‍वहां वयाच्‍वन” धकाः वयात न्‍यंकल।

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।

१ शमूएल 21:7

शाऊलया दासत मध्‍ये सुं छम्‍ह नं उखुन्‍हु अन परमप्रभुया न्‍ह्यःने च्‍वनाच्‍वंगु खः। वयागु नां एदोमी दोएग खः। व शाऊलया फैजवाःतय् मूम्‍ह नायः खः।